د بلوچستان ملت پاله ګوندونه وايي د پاکستان لخوا په چمن پوله تګ راتګ لپاره د پاسپورټ او ویزې شرط نه مني
په بلوچستان کې د ملتپاله ګوندونو مشران وايي چی د چمن پر پوله د سرحد د دواړو غاړو د خلکو تګ ﺭاتګ دپاره چې د پاکستان حکومت د پاسپوﺭټ او ويزې شرط اېښودلی دی، دوی ته د منلو ندی. اخوا په چمن کې نن په ۱۶ ورځ هم د حکومت دغې فیصلې پرضد احتجاجي پرلت روان وو. صوبايي حکومت وايي د ځايي خلکو د کاروبار لپاره یې نوي ګامونه پورته کړي.