افغانستان کې د نیټو فوجي ایتلاف وئیلې جنگ ځپلې هیواد کې يي اته عسکر وژل شوې دي. دعسکرو د وژنې پیښې د خالي په ورځ رامنځته شوې چې سږ کال ترټولو خونړۍ ورځ وه.
درې د نیټو عسکر په جنوبي افغانستان کې په بمي چاؤدنو کې اوژلی شول او پنځه عسکر د لغمان صوبې په یو فوجي مرکز باندې ځانمرگي حمله کې وژلی شوې دي. د لغمان په حمله کې څلور افغان فوجیان هم وژلی شوې دي.
په لغمان کې د حملې ذمه واري طالبانو په غاړه اختسې ده.
د خالي په ورځ د تشدد پیښې په داسې مهال رامنځته شوې دي چې د پاکستان وزیراعظم یوسف رضا گیلاني د افغانستان په سفر وو. د ښاغلې گیلاني د سفر په مهال افغانستان او پاکستان افغانستان کې امن او ثبات پرځاې کولو لپاره په یو گډ کمېشن جوړولو باندې صلاح شوي دي.
وزیراعظم یوسف رضا گېلانی د افغانستان صدر حامد کرزي سره په کابل کې اولیدل. افغان صدر کرزي سره د ليدنې وروسته وزيراعظم گيلاني وئيلي دي چې د افغان صدر او دسولې د جرگې د مشر پروفيسر برهان الدين رباني او نورو غړو سره د لېدو وروسته په دې خبرې صلاح شوي دي چې د امن او ثبات پرځاې کولو لپاره د پاکستان او افغانستان یو گډ کمېشن جوړ کړي.
ښاغلې گېلاني زیاته کړه چې صدر کرزي ته یې باور ورکړې چې پاکستان د افغانستان په مشرۍ د افغان شخړې دهواري ملاتړ کوي.
