لاس رسیدونکی لینک

Breaking News

افغانستان کې دوه غيرملکي پوځيان وژل شوي دي


افغانستان کې دنيټو په مشرۍ موجودو غيرملکي پوځونو لخوا جاري شوي بيان کې وئيلى شوي دي چې دهيواد په يوه ختيزه برخه کې تندلارو په وړو وسلو سره بريد وکړو او يو پوځي يې ووژلو.

خو په دغه جاري کړل شوي بيان کې دوژل شوي پوځي قوميت نۀ دى په ډاگه کړل شوى دى.

همدغه راز نيټو په جنوبي افغانستان کې دسړک په غاړه دښخ بم دچاؤدنې له امله ديو کاناډائي پوځي دوژل کيدو پخلى کړى دى.

په تيرو نهو کلونو کې دافغانستان دننه دکاناډا 146 پوځيان وژل شوي دي.

ديو راپور له مخې سږ کال تر دې مهاله دطالب جنگيالو په بريدونو او دپوځي عملياتو کې 216غيرملکي پوځيان وژل شوي دي.

طالب جنگيالو ته دماتې ورکولو لپاره امريکا په افغانستان کې دخپلو پوځيانو په شميره کې پرله پسې اضافه کوي.
دامريکا ددفاع وزارت په يو تازه بيان کې ويل شوي دي په افغانستان کې دامريکائي پوځيانو شميره 94 زرو ته رسيدلې ده او په عراق کې دموجودو پوځيانو شميره 92 زره ده.

XS
SM
MD
LG