لاس رسیدونکی لینک

Breaking News

ډیورنډ کرښې ته څېرمه، ډرون بریدونو کې دوه ترهګر وژل شوي دي


د پاکستان کرمه قبایلي سیمه

د افغانستان او پاکستان ترمنځ د ډیورنډ د کرښې دواړو غاړو ته د ډرون په بریدونو کې دوه مشکوک ترهګر وژل شوي او یو بل ژوبل شوی دی.

لومړی برید د پاکستان د قبایلي سیمې کورمې ایجنسۍ په باد شاه کوټ نومې سیمه کې پولې ته څېرمه شوی چې د چارواکو په وینا د خالد په نامه یو مشکوک افغان ترهګر په کې سخت ژوبل شوی دی.

عیني شاهدانو د پاکستان ډان ورځپاڼې ته ویلي دي چې د ډرون میزایل هغه کور ته نږدې لګېدلی چې خالد اوسېده.

د ډرون په یوه بل برید کې د افغانستان د خوست ولایت په خاني کالا نومي ځای کې دوه افغان ترهګر وژل شوي دي.

عیني شاهدان وايي چې د ډرون الوتنې د چهارشنبې د سهار راهیسې په سیمه کې لیدل کیږي.

تر دې مخکې د ۲۰۱۷ کال د ډیسمبر په ۲۶ نېټه د پاکستان په قبایلي سیمې کورمې ایجنسۍ کې یو موټر د ډرون په برید کې په نښه شوی و چې دوه کسان په کې وژل شوي وو.

تیر کال په نومبر کې د افغانستان په پکتیا ولایت کې درې نور ترهګر د یو بل ډرون برید په ترڅ کې وژل شوي وو.

د پاکستان په قبایلی سیمې کورمې ایجنسۍ کې د ډرون بریدونه وروسته له هاغې زیات شول کله چې د افغانستان په اړه په تېرې اګسټ میاشت کې د امریکا ولسمشر ډانلډ ټرمپ خپله نوې تګلاره اعلان کړه.

په دغې نوې اعلان شوې تګلارې یا سټراټېژۍ کې په پاکستان باندې تور پورې شوی چې ترهګرو ته پټنځي ورکوي.

XS
SM
MD
LG