پېښور —
د افغانستان او پاکستان ترمنځ د طورخم لار ٢۴ گنټې پرانېستي ساتلو دپاره انتظامات پرځای کړی شوې دي.
د گل، دوشنبې، په ورځ د دواړو هېوادونو امنیتي چارواکو په دروازه غونډه وکړه چې پکې په ازمایښتي توگه د طورخم دروازه پرانېستي ساتلو دپاره د گومرک یا کسټمز او نورو معاملاتو ته کتنه وشوه.
د پاکستان وزیراعظم عمران خان اعلان کړی و چې د افغانستان او پاکستان ترمنځ تجارت او د خلکو تگ راتگ اسانوولو دپاره به د طورخم لار ٢۴ گنټې پرانیستي وي.
د دغه اعلان په رڼا کې به د طورخم لاره د ولسي تگ راتگ دپاره ازاده وي خو د ویزي شرط به په خپل ځای وي.
نور تفصیل د پېښور نه د وي او ای ډیوه خبریال مدثرشاه په رپورټ کې اوریدی شئ:
