لاس رسیدونکی لینک

Breaking News

خلیلزاد: مونږ هر وخت له افغانستانه وتلی شو، خو نه غواړو چې پخوانۍ تېرونې تکرار شي


د افغانستان د سولې دپاره د امریکا ځانگړي استازي زلمي خلیلزاد زلمي خلیلزاد ویلي چې په افغانستان کې د امن دپاره هڅې روانې دي خو هلته تر ټولو لوی چلېنج، یو بل سره خبرو ته د مخالفو ډلو کېنول دي.

د گل په ورځ اسلام آباد کې د افغان کډوالو په هکله نړېوال کنفرانس ته خپل خطاب کې، د امریکا ځانگړي استازي زلمي خلیلزاد وینا وه چې د افغانستان د کشالې هواري، انتهایي پېچلې ده، ولې بیا هم هلته د امن لپاره هڅې روانې دي.

خلیلزاد زیاته کړه چې د امریکا او طالبانو ترمنځ د امن لوظنامې له کبله به، بین الافغاني خبرو ته هم لاره هواره شي. هغه وویل: "مونږ له افغانستانه د وتلو دپاره د چا اجازت ته ضرورت نه لرو، امریکا که وغواړي، نو په یو طرفه ډول هم وتلی شي. ټولې هڅې چې مو کړي، په دې خاطر دي چې داسې د سولې یو تړون وکړو چې د نیوېمې لسیزې تېروتنې بیا تکرار نشي.

په دې موقع د پاکستان وزیراعظم، عمران خان، خپل خطاب کې وویل چې د پاکستان پوځ او ولس په افغانستان کې تل پاتې امن غواړي، او "زه له زړه نه غواړم چې په افغانستان کې د امن خبرې کامیابې شي."

عمران خان وویل چې پخوا به د افغانستان په اړه د حکومت یوه، او د پوځ بله پالیسي وه، خو اوس داسې نده. وزیراعظم زیاته کړه: "مونږ د امن پروسې د سهولت دپاره، هر هغه څه چې په وس کې وي، هغه کوو."

بل اړخ ته د ملگرو ملتونو سرمنشي انتونیو گوتېرېش په اسلام آباد کې جوړې شوې دغې غونډې ته وویل چې که د امن خبرې چېرته هم کیږي، نو ملگري ملتونو له د هغې برخې جوړېدل په کار دي، او که چېرته هم ضرورت وي، نو اقوام متحده به په دې کې خپله ونډه ضرور اچوي.

گوتېرېش زیاته کړه: "د افغانستان د کشالې د هواري دپاره، امن تر لاسه کېدل اړین دي. د ترهگرۍ پرضد د جگړې دپاره د افغانستان دننه د خلکو ترمنځه امن اړین دی او باید دی چې بین الافغاني خبرې هم وشي.

ویل کیږي چې امریکا او طالبان د یوې لوظنامې لاسلیک کولو ته نږدې شوي، خو افغان صدر اشرف غني، د افغان سولې په پروسه کې د طالبانو په ارادې شک څرگند کړی او ویلي یې دي چې طالبان باید له پاکستان سره د خپلو اړیکو لرلو په اړه وضاحت وکړي.

په همدې حال کې بي بي سي په قطر کې د طالبانو د یو ویاند سهیل شاهین له قوله رپوټ ورکړی چې گني له امریکا سره د دوی د سولې د لوظنامې خبرې ختمې شوي، لوظنامه او ورسره ضمایم یې هم نهایي شوي، او د همدې میاشتې تر پایه به لوظنامه لاسلیک شي.

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG