لاس رسیدونکی لینک

Breaking News

ملگري ملتونه: په افغانستان کې د ملکي کسانو په تلفاتو کې اضافه شوې


تر ټولو زیات تلفات په ننگرهار ولایت کې شوې دي چرته چې د ملگرو ملتونو رپورټ وايي داعش وسله واله ډله اوس هم شتون لري او د کال ٢٠١٧ راهسې د امریکايي ځواکونو دپاره هم تر ټولو خونړی ولایت دی

په افغانستان کې د ملگرو ملتونو دفتر وايي په جنگ ځپلې هېواد کې د ملکي کسانو په تلفاتو کې اضافه شوې ده.

د ملگرو ملتونو دفتر یوناما د شورو، چارشبنې، په ورځ نوی رپورټ شائع کړو چې پکې وویل شوي چې د سږ کال د سر نه تر د سپټمبر د میاشت پورې ٢٧٩٨ ملکي کسان وژل شوې او ٥٢٥٢ نور زخمیان شوې دي.

د ملگرو ملتونو رپورټ وايي د ملکي کسانو د تلفاتو په لحاظ د افغانستان د ١٧ کلونو جنگ تېر پنځه کاله تر ټولو زیات خونړي وو.

رپورټ وايي تر ټولو زیات تلفات د طالبانو او د داعش د فعالیتونو د لاسه شوې دي چې پکې بم چاودنې او ځانمرگي حملې شاملې دي.

د جنگ په مهال د ملکي خلکو د تحفظ په اړه د ملگرو ملتونو رپورټ وايي په افغانستان کې په بم چاودنو او په دې کې د خلکو په مرگ ژوبله کې زیاتولی شوی دی.

رپورټ وايي ملکي کسانو ته ٦٥ فیصد تلفات د حکومت مخالف وسله والو د لاسه شوې دي، ٣٥ فیصد د طالبانو، ٢٥ فیصد د داعش او پنځه فیصد د نورو وسله والو ډلو دلاسه شوې دي.

په جنگ کې د ښکیلو فریقېنو په منځ کې د جگړو له امله ٢٩ فیصد تلفات شوې دي.

تر ټولو زیات تلفات په ننگرهار ولایت کې شوې دي چرته چې د ملگرو ملتونو رپورټ وايي داعش وسله واله ډله اوس هم شتون لري او د کال ٢٠١٧ راهسې د امریکايي ځواکونو دپاره هم تر ټولو خونړی ولایت دی.

ملگرو ملتونو ویلي د لټون په عملیاتو کې د انساني حقونو سرغړونې هم د تشویش وړ خبره ده. اداره په خپل رپورټ د خوست د امنیتي ځواکونو او د افغانستان د استخباراتی ادارې، ملي امنیت، د لټون عملیات په مهال د ولسي خلکو ملکیتونو نه قصداً نقصان رسولو، د خلکو غیر قانوني نیول کیدو، او د نورو بې قاعدگیو په اړه د باور وړ اطلاعات ترلاسه کړې دي.

په رپورټ کې د افغان جینکو او هلکانو د "وژل کیدو، زخمي کیدو، په جنسي توگه د زورول کیدو او د جلب" کېدو ذکر هم شوی دی.

په عین حال کې د افغانستان د پارلیمانی انتخاباتو سره تړلې د تشدد په واقعاتو کې ٣٦٦ ملکي کسانو ته تلفات رسیدلې دي. په انتخاباتو کې به د اکتوبر په ٢٠ مه نېټه ووټونه اچول کیږي.

XS
SM
MD
LG