د افغانستان سرښار کابل په هوائي اډه د یوې امریکائي کمپنۍ درې امریکائي کارکونکې وژل شوي دي او یو امریکائي دفائي چارواکې ویلي وژنې د امنیتي ځواکونو دننه حمله ښکاره کیږي.
د فرانس خبري ادارې ای ایف پي خپل یو رپورټ کې ویلي وژل شوي کسانو د امریکې ددفاع وزارت لپاره کار کولو او د افغانستان د هوائي پوځ د تربیي په وظیفه مامور وو. رپورټ وايي درې واړه کسان په ډزو ویشتلی شوي وو.
غربي عسکر او غیر پوځي کارکونکې چې د افغان امنیتي ځواکونو د تربیي دنده لري د افغان امنیتي ځواکونو په دریشۍ کې د وسله والو لخوا د خونړۍ حملو سره مخامخ شوي دي چې انسائډر اټیک یا ددننه حملې ورته ویل کیږي.
ددننه حملو مخنیوي دپاره افغانستان کې نیټو ځواکونو خصوصي امنیتي اقدامات اخیتار کړې دي.
د کابل هوائي اډه چې د سختو امنیتي گامونو د لاندې ده، د پوځي او تجارتي مقاصدو دپاره استعمالیږي. د هوائي اډې یوه برخه د مسافرو د هوائي جهازونو د استعمال د لاندې ده او بله برخه يي د نیټو د استعمال دپاره مخصوص کړی شوي ده.
کابل کې د امریکائي شهریانو وژنه په داسې ورځ شوي چې د افغانستان په ختیز کې په جنازه باندې ځانمرگي حمله کې ١٦ کسان ووژل شو.
د لغمان ولایت مرکز مهتر لام کې د سړک په غاړه د بم چاودیدو په نتیجه کې د وژل شوي یو پولیس افسر او دواو نورو کسانو د جنازې په وخت ځانمرگي حمله وشوه.
د ولایت ترجمان سرحدي ژواک ویلي په جنازه حمله کې د پولیس د تحقیقاتو څانگې مشر خلیل نیازي هم وژل شوی دی.
په سمدستي توگه د برید پړه چا په غاړه نه ده اخیستې خو چارواکې وايي داسې ډول حملې طالب وسله وال کوي.
