امریکې سره تعلقاتو د پاره نوي شرائط ټاکلو په موضوع د پاکستان پارلیمان بحث شورو کړې دې، او د پاکستان د قامي سلامیته کمیټۍ وئیلي تیرکال په مومندو کې د پاکستاني پوځیانو د وژل کیدو په پیښه دې امریکا بخښنه ووغواړي.
د پاکستان پارلیمان د دواړو ایوانونو، قامي اسمبلي او سینیټ، مشترکه غونډه د نهې په ورځ دسينيټ دچئيرمين په مشرۍ شورو شوه او د قامي سلامتیه پارليماني کميټۍ امريکا او نيټو سره په گډه دکار کولو په اړه نوي شرطونه او وړاندیزوه پارلیمان ته پیش کړل.
په وړاندیزونو کې دا غوښتنه هم شوې ده چې په سلاله چيک پوسټ ترسره شوي بريد دې امریکا غیر مشروط بخښنه ووغواړي. په دغه برید کې ٢۴ پاکستاني عسکر وژل شوې وو.
نیټو او امریکائي چارواکو وئیلې دغه پیښه د ناقص رابطو په نتیجه کې رامنځته شوې ده.
تجزیه کار وائي پاکستان د طرفه امریکې ته د تعلقاتو د پاره نوي شرائط مقررول د دواړو هیوادونو په منځ کې تاؤتریخوالی ښائي.
د وائس اف امریکا ډیوه ریډیو خبریال افتخار حسین د پاکستان او امریکې په تعلقاتو کې دې ورستي پرمختگ په حقله د تجزیه کارانو سره خبرې اترې کړې دي دغه رپورټ تاسو دلته اوریدې شۍ:
