څېړونکي: د ترکيې په بلدیاتي انتخاباتو کې د اردوغان د ګوند ماتې د هېواد په سیاست کې مهم بدلون دی

د ترکيې په بلدیاتي انتخاباتو کې د حکومت مخالفه ګوند (سي اېچ پي) ډېرې کامیابۍ تر لاسه کړې دي او د رجب طیب اردوغان «د انصاف او پرمختیا» واکمن ګوند (اې کې پي) د بدې ماتې سره مخ شوی دی.

تېر کال د بیا ولسمشر ټاکل کېدو سره سم رجب طیب اردغان هڅه کوي چې ترکیه په سیمه او اسلامي نړۍ کې د یو مشر په توګه وساتي، خو د کور دننه بیا د هغه مخالفین په اردوغان د خپلو مخالفینو د غلي کولو تورونه لګوي.

په استنبول کې اقتصادي څېړنکار کین سېلکوکي وي او اې ته ویلي چې د (سي اېچ پي) ګوند لپاره تېر کال د ولسمشرۍ په ټاکنو کې د ماتې وروسته، دا فکر کېدو چې دغه ګوند د ناامیدۍ سره مخ دی، خو وایي اوسنۍ ټاکنې د ترکيې د سیاسي منظرې لپاره یو ریښتینی بدلون دی.

د استنبول ښاروال اکرم امام اوغلو چې په کال 2019م په سختو ټاکنو کې یې دغه څوکۍ ګټلې وه، د ښار کنټرول پراخ کړی او د اردوغان د ګوند په قوي مرکزونو کې یې ټاکنې ګټلې دي.

امام اوغلو د بیوګلو ضلعې دی چې پکې اردغان لوی شوی او د هغه د شخصي واک مرکز وو او زیات ملاتړ یې درلود، خو اوغلو هلته هم ګټه تر لاسه کړې ده.

څېړونکي وایي اکرام امام اوغلو خپل حکومت ټولشموله انځور کړی چې د بریالیتوب یو لوی عامل یې دی او اوس داسې ښکاري چې په 2028م کې د ولسمشرۍ لپاره ځان کاندید کړي.

په انقره کې د ریپبلکن پیپلز ګوند ښاروال منصور یاواس هم په پراخه کچه بریا ترلاسه کړې ده. شنونکي وايي، دوه ښاروالان په دې بریالي شوي چې مذهبي رایې وګټي او د خپل ګوند لاسرسی د سېکولر بنسټ څخه نور وغځوي.

کارپوهان وايي دا د ترکي په هغو برخو کې چې د اردوغان مرکزونه دي لکه اناتولیا، د دوی لپاره د بریا دروازه پرانیزي.

د مارچ د 31مې نېټې بلدیاني انتخاباتو د ترکي انتخاباتي نقشه بدله کړې او اپوزیشن ګوند په لومړي ځل د ډېرو ولایتونو د مرکزي ښارونو کنټرول په لاس کې اخیستی دی.

اقتصادي څېړنکار کین سېلکوکي وي او اې ته ویلي، "زه فکر کوم دا د اپوزیشن ګوند لپاره یو لوی فرصت دی، چې د هیواد په ځینو برخو کې د حکومت کولو مهارتونه وښيي، چرته چې دوی وړاندې ټاکنې نه شوې ګټلی".

پوهان وایي د ښاروالۍ یا بلدیې په دغو سیالیو کې د اپوزیشن ګوند (سي اېچ پي) فعالیتونه کولی شي د کال 2028م صدارتي ټاکنې وګټي. په داسې وخت چې د رجب طیب اردوغان ګوند د ګرانۍ د مخنیوي لپاره مبارزه کوي.

یادونه:- د وي او اې خبریال ډورین جونز له استانبول څخه دا رپوټ را لېږلی او بهشته تلاش پښتو کړی دی.