لاس رسیدونکی لینک

تازه خبر

رپورټ: په اوکراین د روس یرغل د روس او په نړیوال اقتصاد بد اثرات لري


څېړونکي وايي په داسې حال کې چې په اوکراین کې بندرونه، هوايي اډې او د رېل ګاډو حرکت بند شوی او د ملک ځوانان د روس خلاف په جنګ کې ښکیل شوي دي نو څوک به فصلونه لو کوي او نورو ځایونو ته به یې انتقالوي؟
څېړونکي وايي په داسې حال کې چې په اوکراین کې بندرونه، هوايي اډې او د رېل ګاډو حرکت بند شوی او د ملک ځوانان د روس خلاف په جنګ کې ښکیل شوي دي نو څوک به فصلونه لو کوي او نورو ځایونو ته به یې انتقالوي؟

په اوکراین د مسکو یرغل نه یوازې د ولسمشر ولادمیرپوتین د روس بلکې د نړۍ د اقتصاد دپاره بد اثرات لري.

دا خبره اېسوسي اېټېډ پرېس خبري ادارې په یو رپورټ کې کړې ده چې وايي په اوکراین کې جنګ د نړیوال اقتصاد دپاره خطرناک اثرات لري، د ونډو بازارونه به په منفي ډول متاثره کړي او په يورپ کې د ازبک کارکوونکي نه واخلي په یمن کې د لوږې سره مخامخ د کورینو ژوندونه به نور هم ګران کړي.

ای پي په خپل رپورټ کې وايي په اوکراین د روس د یرغل نه وړاندې هم نړیوال اقتصاد د فشار سره مخامخ و، ګراني زیاته وه، د طلب او رسد ترمنځ خلیج دی او په سټاک مارکېټونو کې غیر یقیني حالات وو.

رپورټ وايي د اوکراین کړکېچ دغه مسایل نور زیات او حل یې نور زیات پېچیده کړو.

د نړیوالو بېنکونو تجارتي ادارې انسټېټیوټ اف انټرنېشنل فاینېنس مشر کلی لوري ای پي ته وویل په نړیوال اقتصاد

په اوکراین د یرغل د اثراتو کره اټکل په موجوده وخت کې نشي کېدلی.

رپورټ وايي که په موجوده وخت کې په نړیوال اقتصاد د اوکراین د کړکېچ زیات بد اثرات نسبتاً زیات لیدل کېږي نو د دې سبب دا هم دی روس او اوکراین قوي اقتصادي ملکونه نه دي.

د دواړو ملکونو لوی برامدات تېل او د تاوانای مصنوعات دي.

روس نورو ملکونو ته تېل او قدرتي ګېس برامد کوي د تېلو قیمتونه زیاتېدل به ای پي وايي نړیوال اقتصاد ته زیان ورسوي.

يورپ د قدرتي ګېس 40 فیصد او د تېلو 25 فیصد ضرورت د دې توګه په روسي برامداتو پوره کوي.

د ای پي ترمخه په اوکراین د روس یرغل د براعظم يورپ دپاره د افراط زر او د اقتصادي بدحالۍ خطر زیات کړی دی.

په اوکراین د یرغل په ځواب کې د امریکې په شمول مغربي ملکونو د مسکو په ضد اقتصادي پابندۍ لګولي دي چې ای پي وايي‌ د روش په شان لوی اقتصاد دپاره غېر معمولي او سخت بندیزونه دي.

د دغو بندیزونو له امله یو شمېر لوی روسي بېنکونه په نړیواله کچه د پېسو د ادایګۍ د سوېفټ نومې نظام نه بهر کړی شوي دي، روس ته د جدید ټېکنالوجۍ برامدات او د روس د زرمبادله استعمال محدود کړی شوی دی.

د ای پی د رپورټ ترمخه د بندیزونو په نتېجه کې د روس روبل نومې کرنسي په تاریخي کچه ټېټي درجې ته وغورځېدله.

ای پي وايي په اوکراین د روس د یرغل نه پس د قدرتي ګېس په قیمت کې 20 فیصد اضافه شوي ده او د تېر کال د شروع نه پس دا وخت د ګېس قیمت شپږ چنده زیات شوی. د دې له امله د کورنۍ د ګېس په بل کې د وړاندې په مقابل کې زیاتې پېسې ورکوي.

روس د دنیا د غنمو 30 فیصد، د جوارو 19 فیصد او د لمر پرست د تېلو 80 فیصد برامدات کوي چې زیاتره د یمن او لېبیا په شان د کم امدن او د امنیت به لحاظ د بې ثباتۍ ښکار ملکونو ته لیږل کېږي.

ای پي وايي په ختیځ اوکراین کې زراعتي ځمکو ته د خطر او د تور سمند دلارې د برامداتو په لاره کې د خنډانو له امله د سیمې نه نورو ملکونو ته د خوراکي شیانو برامدات کمېدلی شي او هغه هم په داسې حال کې چې د 2011 راهسې د خوراکي شیانو بېعې زیاتې شوي دي او ځیني ملکونه د خوراک د کمي سره مخامخ دي.

څېړونکي وايي په داسې حال کې چې په اوکراین کې بندرونه، هوايي اډې او د رېل ګاډو حرکت بند شوی او د ملک ځوانان د روس خلاف په جنګ کې ښکیل شوي دي نو څوک به فصلونه لو کوي او نورو ځایونو ته به یې انتقالوي؟


هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:56 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG