لاس رسیدونکی لینک

تازه خبر

پاکستان

په دروغو او د پېسو په غبن د تورن پاکستاني خبریال شاهد مسعود دنیولو امر شوی

یو پاکستاني عدالت د ټیلي وژن د لانجمن کوربه او د ریاستي ټي وي پاکستان ټيلي وژن د پخواني مشر ډاکټر شاهد مسعود دنیولو امر کړی دی. د انگریزۍ ژبې اخبار ډان خبر ورکړی دی چې په ډاکټر شاهد مسعود د ٣٨ میلینو روپو د غبن تور دی.

ډاکټر مسعود د وړاندې څخه د خپلو اوپره، بې تولې او افسانوي خبرونو په وجه د عدالتي پابندیو، سزاگانو او ټولنیزو نیوکو سره مخ دی.

اخبار ليکي د وفاقي استخباراتي ادارې ایف اي ای غړیو ورته ويلي دي چې شاهد مسعود د ٣٨ میلینو روپو غبن کړی دی، اخبار د کوم چارواکي نوم نه دی ورکړی او نه یې د مسعود غبرگون شامل کړی دی.

اخبار ليکي څه وخت چې ډاکټر شاهد مسعود د پي ټي وي مشر وو نو هغه د ېوې فرضي کمپنۍ سره یوه لوظنامه وکړه د کوم تر مخه چې د غې فرضي کمپنۍ ته د پاکستان د کرکټ بورډ نشریاتي حقونه په ٣٨ میلینه روپو ورکړې شو. د اخبار ترمخه ددغې لوظنامې تر مخه ریاستي ټي وي ته دروند مالي زیان ورسیدلو.

اخبار دعوا کړې ده چې د تحقیقاتي ډلې د موادو نقل ورسره شته دی. د اخبار ترمخه په دغه سرکاري موادو کې کره ثبوتونه دي دڅه په اساس چې د ډاکټر شاهد مسعود د نیولو امر شوی دی.

په جنورۍ ٢٠١٨ کې د ډاکټر شاهد مسعود رسوايي

په پاکستان کې د ېوې شپږ کلنې ماشومې زېنب سره د جنسي زیاتي او د هغې په وژنه کې د ککړ تن په اړه د افسانوي خبرونو په سر ډاکټر شاهد مسعود د پاکستان عدالت سزا کړې وو. ورستو شاهد مسعود په خپلو بې بنیاده خبرونو معافي وغوښتله.

شاهد مسعود په خپل پروگرام کې دعوا کړې وه چې د زينب د قتل په تور کې د نیول شوي تن عمران علي د بینک ٣٧ اکاونټونه (کهاتې) دي او هغه د بربنډو فلمونو د نړیوال صنعت غړی دی چې ملگرتیا یې د پنجاب صوبې یو وزير کوي.

زینب د پنجاب په قصور ښار کې دروان کال په څلورمه جنورۍ د خپل کور څخه نزدې تښتول شوې وه اوبیا یې څو ورځې ورستو مړی وموندل شو. اوس پولیسو د هغې سره د زنا او قتل په تور کې عمران نومې یو تن نیولی دی.

اینډ اف ټایم

د ښاغلي مسعود په خپلو خپرونو کې حیرانونکي انکشافونه څه نوې خبره نه ده. د ښاغلي مسعود په زیاتره خپرونو کې د حکومت د ختمیدلو، د هندوستان په ضد د پاکستان په جگړه کې دبري موندلو او دقیامت د راتگ انکشافونه هم کیږي. په پروگرام "اینډ اف ټایم" کې هغه ځان د پاکستان خلقو ته د یو مذهبي مبلغ او په راتلونکو پېښو د یو خبر انسان (پېش گويي کونکی) په توگه ځان ورښکاره کړې وو. ښاغلي مسعود به په دغه خپرونه کې د راتلولنکي دور په حقله شهادتونه ورکول

ښاغلی اکثره د خپلې خبرې په دليل کې وايي " میرا خیال هی" یعني دا زما گمان دی. نوموړی په یو پروگرام کې وايي چې دهغه معلومات د راتلونکي وخت لپاره یو شهادت دی

د مسعود په ضد قضیې

د شاهد مسعود په ضد په پاکستان کې د دروغو د خپرونو په سر یو شمېر قضیې جوړې شوې دي

په جنورۍ ٢٠١٨ کې د پنجاب حکومت ډاکټر شاهد مسعود ته د دروغو او بې سره قيصو په سر یو عدالتي خبرداری ورلیږلی وو. دپنجاب حکومت وايي ښاغلي مسعود په حکومت بې بنیاده تورنه لگولي دي

په پاکستان کې د ټيلي وژن چینلو د څارنې او ورته د لایسنسونو ورکولو ادارې پېمرا په کال ٢٠١٧ کې په بول ټي وي د ډاکټر شاهد مسعود خپرونه ٣٠ ورځو لپاره وتړله او ورته یې د یو میلین روپو جرمانه واوروله. دښاغلي مسعود په ضد د هاغه وخت د خزانې وزير اسحاق ډار د حکومت په ضد د دروغو د خپرونې تور لگولی وو

په کال ٢٠١٦ کې پېمرا د شاهد مسعود په خپرونه د ۴٥ ورځو پابندي لگولې وه. پېمرا ویلي وو ښاغلي مسعود د سنده د ستر عدالت په ستر قاضي د بډو رشوتونو د اخستلو د دروغو تورونه لگولي وو.

په کال ٢٠١٣ کې ښاغلي مسعود د عدالتونو د بدنامولو په سر یوه ليکلې شوې معافي نامه په عدالت کې جمع کړې وه

په ٢٠١٠ کې په کراچۍ کې د ښاغلي مسعود په ضد یو قضيه کې ویل شوي وو چې هغه د خپلې خپرونې په لاره د کلتوري کينې او کرکې خپرولو کوښښ کړی دی.

ډاکټر شاهد مسعود څوک دی؟

د یو پاکستاني ویب سایټ تر مخه ډاکټر شاهد مسعود په شپږم مارچ ١٩٦٧ کې زیږیدلی دی. ښاغلي خپلې لومړۍ زدکړې په سعودي عربستان کې کړي دي. د ښاغلي دوه کشران وروڼه هم دغلته زیږدلي وو.

ډاکټر شاهد مسعود د پېشې په لحاظ ډاکټر دی. هغه د ډاکټرۍ ډگري د جناح سنده میډیکل یونیورسټۍ څخه اخستې ده. خو ښاغلی ډاکټري نه کوي او په ټي وي د سیاسي څیړنکار په توگه کار کوي.

ښاغلی د جیو ټي وي او ای ار وايي ټي وي نه علاوه د پاکستان د سرکاري ټي وي ، پي ټي وي هم مشر او د پخواني وزیراعظم یوسف رضا گیلاني صلاح کار پاتې شوی دی

د هغه په خپرونو کې "اینډ اف ټایم"، "ویوز ان نیوز" او "میری مطابق" ډېر مشهور شوي وو. که څه هم په دغه پروگرامونو کې د هغه دعوې او خبرې حکومت، پېمرا او ځيني سیاسي گوندونو او شخصیتونه دروغ بللي دي خو بیا هم ښاغلی مسعود په ټویټر نیم ملین پلویان لري.

See all News Updates of the Day

پاکستان او د طالبانو حکومت د دوه اړخیز تجارت او ټرانزیټ په اړه تړون لاسلیک کړ

د پاکستان او افغانستان تر منځ د دوه اړخیز تجارت په اړه دوه وﺭځنۍ خبرې ختمې شوې دي او دواړه هيوادونه په خپل منځ کې د تجاﺭت پرمختګ لپاﺭه په مهمو شرطونو متفق شوي دي چې له مخې به یې د پاک افغان ټرانزیټ په مخ کې جوړې ستونځې به هم هواﺭيږي.

په دې اړه په کابل کې د افغانستان د صنایعو او سوداګرۍ وزیر الحاج نورالدین عزیزي او د پاکستان د سوداګرۍ وزارت مرستیال محمد خرم اغا په خبري غونډه کې لاندې فیصلې کړې دي:

1- 8 کرنیز توکي او 2 صنعتي توکي تقريباً دغو لس توکو ته به دواړه هيوادونه ترجيح وﺭکوي چې وﺭباندې محصولات کم کړي، که چېرې نوﺭ توکي هم په دغه کې شاملول غواړې، دواړه خواوې به په 15 ورځو کې فهرست ترتیب او شریک کړي او بيا به د آنلاین ناستې له لارې له بحث وروسته موافقه وشي.

2- له پاسپورټ او ویزې پرته د دواړو خواوو موټرچلوونکو او معاونینو ته پر عاﺭضي اجاﺯتنامه باندې اجازه ورکړي، د دواړو خواوو زاړه ترتیبات به د اپریل تر 30مې پورې دوام وکړي، ټاکل شوي دفترونه به د اپریل له لومړۍ نېټې د دواړو هیوادونو ترمنځ د لاریو چلوونکو/کلینرانو لپاره د عارضي اجازتنامې ورکولو کار به پیل کړي.

افغان لوري ویلي چې د پاکستان وړاندیز به اړوندو خواوو ته ورسوي. د نتیجې په توګه دواړه خواوې به په فعاله توګه د یو کال په اوږدو کې د حل موندلو لپاره کار وکړي.

3- دواړو خواوو موافقه وکړه چې پاکستان به په شپږو میاشتو کې د کراچۍ په بندر کې د افغان ټرانزیټ د کلېرنګ لپاره د برت یا ځای جوړولو اسانتیاوې برابروي.

4- د دواړو هېوادونو د هوايي ډګرونو له لارې د ټرانزیټ په ډول د مالونو د منتقلۍ په برخه کې تړون وشو، چې په راتلونکو دوو میاشتو کې به پیل شي.

5- د پاکستان افغانستان د ټرانزیټ چاﺭو په مخ کې جوړو خنډونو پر لرې کولو باندې هم موافقه وشوه چې پاکستان د افغان ټرانزټ پر کنټينر باندې لس فيصده پروسسينګ او سل فيصده بېنک ګاﺭنټي لرې کولو دپاﺭه په ﺭا ﺭوانو پینځلسو وﺭځو کې اقدامات کوي او د ټرانزټ کنټينر دپاﺭه انشوﺭنس کمپنۍ ضمانت قبلوي.

افغانستان به د منځنۍ اېشيا لپاﺭه د پاکستان پر ټرانزټ 110 فيصده ضمانت کمولو دپارہ هم اقدامات کوي، د پاکستان له خوا چې کوم ممنوع لسټ دی په هغه کې د ترمیم ﺭاوستو لپاﺭه به هم د پاکستان د تجارت وﺯاﺭت غوﺭ کوي.

د کاﺭوباﺭي چاﺭو د ﺭوانو ساتلو لپاﺭه به دواړه هيوادونه په خپل منځ کې بېنکينګ چېنل خلاصوي او کاﺭوباﺭ به د بېنکونو له لاﺭې کوي، افغانستان اوس هم د منځنۍ اېشيا له هېوادونو سره بېنکي نظام فعاله کړی دی.

6- افغانستان او پاکستان به دواړه په چمن او سپین بولدک کې د شپه ورځ د ګمرکي یا کسټم چاﺭو د بحاله ساتلو لپاﺭه هم اقدامات کوي.

7- پاکستان د طالبانو حکومت ته وويل چې په خپلو ګمرکاتو کې د ﺭجسټرکوونکي ټي يک فاﺭم شمېرې دې ورسره شريکې کړي چې په کومه انداﺯه مالونه افغانستان ته د پاکستان څخه وﺭغلي دي.

خو د طالبانو حکومت وﺭته ویلي د نوي حکومت اعداد شماﺭ وﺭسره شريکولای شي ځکه چې وایي یوه تخنیکي ستونزه ده چې له مخې یې په کانټینر کې زیات وﺯن په دوو موټرانو کې لوډ کړي هغه ټي يک فاﺭم بيا په ويبيوک سسټم کې نه اپلوډ کیږي، د پاکستان لخوا وﺭته وويل شو په ﺭاﺭوانو څلوېښت وﺭځو کې سسټم اپډېټ کوي.

د طالبانو د حکومت او د پاکستان تر منځ د تجارت په اړه دا تړون وروسته له هغه شوی چې په تېرو دوه نیمو کلونو کې د دواړو هېوادونو د حکومتونو تر منځ د اړیکو د خرابۍ له کبله وخت په وخت د تورخم او چمن لارې بندې شوې چې له کبله یې دوه اړخیز تجارت ډېر اغېزمن شوی وو.

د پاکستان او افغانستان تر منځ په دغو خبرو باندې د سوداګرو غبرګون:

د پاکستان فيډﺭل چمبر اف کامرس پخواني مشر انجنېر داﺭو خان اڅکزي د پاکستان او افغانستان تر منځ دغه اوسنۍ خبري يوه لویه ګټه وبلله او ویې ويل د دواړو هیوادونو تر منځ تجاﺭتي اړيکې د تاﺭيخ هغه لاندې سطح ته ﺭاغلې دي چې وایي‌ دوی یې سوچ هم نه شو کولای.

دارو خان اڅکزی وایي‌ اوس چې کوم ټکي ددغو خبرو په اړه دوی اوﺭېدلې دي هغه بنيادي ټکي دي چې د دواړه هيوادونو تر منځ په تجاﺭتې اړيکو کې هر وخت مزاحم وي. دارو خان اڅکزي‌ وي او اې ډیوه ته وویل:

"له دغو خبرو دا هم معلومه شوه چې دواړه هيوادونه په خپل منځ کې تجاﺭت ﺯياتول غواړي که چېري دوی خپلمنځني تجاﺭتي ستونځې نوﺭې هم کمول غواړي باید تجاﺭت او سياست د يو بل نه بېل کړل شي".

د افغانستان د سوداګرۍ خونې مشر خان جان الکوﺯي وويل، د دوه اړخیز تجارت په اړه دغو اوسنیو خبرو ته خوشبينه دی خو وایي اکثره ستونځې د پاکستان په طﺭف وې:

"اوس چې پاکستان کومې خبرې د افغانستان سره منلې دي که پر هغه پاکستان عمل وکړي د دواﺭو ملکونو تر منځ به تجاﺭت نوﺭه وده ومومي".

د طالبانو حکومت د صنایعو او سوداګرۍ وزارت په بلنه د پاکستان د سوداګرۍ وزارت د مرستیال محمد خرم اغا په مشرۍ یو پلاوی د مارچ له 25 څخه تر 27 نېټې پورې د دوه اړخیزو سوداګریزو او ټرانزیټي مسایلو په اړه د خبرو لپاره کابل ته تللی وو.

د اسلام اباد هايکورټ د ججانو خط: حکومت د پلټنو دپاره د کمېشن جوړولو اعلان وکړو ‏

د اسلام اباد هایکورټ د شپږو ججانو په هغه خط، چې پکې دعوه شوې، استخباراتي ادارې په عدالتي چارو کې لاسوهنه کوي، حکومت د پلټنو ‏دپاره د کمېشن جوړولو اعلان وکړو.‏

د قانون مرکزي وزير، اعظم نذير تارړ د اټارني جنرل انور منصور سره په ګډه خبري غونډه کې وويل، د خط په معامله وزيراعظم شهباز شريف د چيف ‏جسټس قاضي فايز عيسا سره وليدل، او وزيراعظم وويل، د دغه پېښې پلټنې پکار دي او د کمېشن په اړه به د جمعې په ورځ د کابينې سره خبره کوي.‏

د اسلام اباد هايکورټ جسټس، محسن اختر کیاني، جسټس بابر ستار، جسټس طارق جهانګيري، جسټس سردار اعجاز اسحاق، جسټس ارباب محمد ‏طاهر او جسټس ثمن رفعت امتياز په عدالتي چارو کې د لاسوهنې په سر چیف جسټس ته خط ليکلی او د جوډيشل غونډې بللو غوښتنه کړې ده.‏

پاکستان بار کونسل هم د شورو/ چارشنبې په ورځ د اسلام اباد هایکورټ د ججانو د خط د پلټنې دپاره د سپريم کورټ د لږ تر لږه درېو ججانو د بنچ جوړولو ‏غوښتنه کړې ده.‏

د ججانو په خط کې د استخباراتي ادارو په عدالتي چارو يا ججانو اثر اندازه کېدو دعوه شوې، د پاکستان پوځ او آی اېس آی لخوا دغه دعوې ته رسمي ‏غبرګون مخې ته نه دی راغلی.‏

اعظم نذير تارړ وويل، کمېشن به د پلټنو د قانون لاندې د پېښې پلټنې کوي. د سپريم کورټ کوم پخوانی جج به د کمېشن مشري او پلټنې کوي.‏

هغه وويل، چيف جسټس هم په دغه خبره موافق وو چې مرکزي حکومت له د دغه معاملې پلټنې کول پکار دي ‏

د ججانو په خط کې ویل شوي چې د عدلیې د ازادۍ د باوري کولو لپاره د ادارې په توګه دې معاملې ته غبرګون پکار دی او له عدالتي کنونشن څخه به ‏درک ولګیږي چې د ملک د نورو هایکورټونو قاضیان هم له دې حالت سره مخ دي که نه.‏

په خط کې زياته کړل شوې، په عدالتي چارو کې د خفيه ادارو لاسوهنه کومه نوې خبره نه ده او پخوا د اسلام اباد هاىکورټ جج شوکت عزیز صديقي هم د ‏استخباراتي ادارې آی اېس آی د لاسوهنې معامله مخې ته راوړې وه.‏

شوکت صدیقي په کال 2018م کې د خپل منصب څخه ګوښه کړل شوی وو او د سپریم کورټ اوسني چیف جسټس د مارچ په 22مه په خپله پرېکړه کې د ‏شوکت صديقي ګوښه کېدل ناسم وبلل او هغه يې رېټاېرډ جج وباله.‏

خط لیکونکو ججانو د فشار د هڅو په اړه د اسلام اباد هایکورټ مشر قاضي ته په کال 2023 او 2024 کې ليکل شوي لیکونه هم شامل کړي او په خپلو ‏چارو کې د هغو مسولو او ممکنه لاسوهنو یادونه يې پکې کړې ده چې دغو ججانو ته وخت په وخت مخې ته راغلې دي.‏

په خط کې زياته کړل شوې، د پخواني وزيراعظم عمران خان خلاف د ټيريان وايټ په قضيه کې د ججانو په رایو کې اختلافات پېل شوي وو، جسټس عامر ‏فاروق د ټيريان قضيه د اورېدنې وړ ګرځولې، او چا چې قضيه د اورېدنې وړ نه وه ګرځولې، په هغو ججانو د آی اېس آی لخوا د خپلوانو او دوستانو د لارې ‏سخت فشار اچول شوی وو.‏

ججانو ویلي، دغه معامله یې د اسلام اباد د چیف جسټس، او بيا د هغه وخت د سپریم کورټ د چيف جسټس په وړاندې راوړلې وه او بیا ورته چیف ‏جسټس ويلي وو چې د آی اېس آی د مشر سره یې خبره شوې، چې بيا به داسې نه کیږي خو دغه لړۍ نه ده ودرېدلې.‏

د پاکستان د پوځ د مشر په ګډون د 2.7 میلینه پاکستاني وګړو شخصي معلومات افشا او غلا شوي

د پاکستان د پوځ د مشر جنرل عاصم منیر په ګډون د شاوخوا 27 لکه پاکستانیانو د ژوند شخصي معلومات افشا شوي یا "غلا" شوي دي چې پکې بایو مېټرک معلومات هم شامل دي. څېړونکي دا سنجیده مسئله ګڼي او وایي دا به ډېرې سنګینې نتیجې ولري.

د پاکستاني وګړو د شخصي معلوماتو د رسوا کېدو د شکایتونو په اړه د پلټنو ګډې ډلې «جې ای ټي» په دې اړه خپل رپوټ روانه اوونۍ د پاکستان د کورنیو چارو وزارت ته سپارلی دی.

د رپوټ له مخې له 2019م تر 2023م کال پورې د شاوخوا 2.7 میلینه پاکستاني‌ وګړو شخصي معلومات د شناختي کارډ جوړولو له مرکزي ادارې نادرا څخه غلا شوي دي.

رپوټ وایي‌ دا ډېټا د ادارې د ملتان، پېښور او کراچۍ له مرکزونو وخت په وخت ایستل شوې ده او د پاکستان ټوډې ورځپاڼې د خبر له مخې دا معلومات بیا دوبۍ ته لېږدول شوي او بیا په ارجنټاین او روامانیا کې خرڅ کړل شوي دي.

جې ای ټي په خپل رپوټ کې سپارښتنه کړې چې د نادرا د هغو افسرانو خلاف دې قانوني ګامونه واخیستل شي چې د خلکو د شخصي معلوماتو په رسوا کولو کې لاس لري.

پاکستان ټوډې ورځپاڼه وایي د پاکستان پبلک اکاونټس کمېټۍ د پاکستان د کورنیو چارو وزارت ته امر کړی چې د مواصلاتو د مرکزي ادارې (پي ټي اې)، مرکزي تحقیقاتي ادارې (ایف ای اې) او پوځي استخباراتي ادارې په هکارۍ دې له نادرا څخه د معلوماتو د افشا کېدو په اړه پلټنه وکړي.

دا لومړی ځل دی چې د پاکستان د کورنیو چارو وزارت په کوم رپوټ کې چارواکو په منظمه توګه د خلکو د شخصي معلوماتو د افشا کېدو اعتراف کړی دی.

تر دې وړاندې د 2020م کال په اپرېل کې هم انفارمېشن سیکیورټي کمپني په خپل رپوټ کې ویلي وو چې په پاکستان کې د موبایل ټیلیفون کاروونکو شاوخوا 115 میلینه یا یوولس نیم کروړه پاکستانیانو معلومات پر «ډارک ویب» یا توره ویبپاڼه پلورل شوي او وایي په دې کې ممکن د ټیلیکام کمپنیو ځینې ملازمین لاس ولري.

خو د 2021م کال په نومبر کې د پاکستان د مرکزي تحقیقاتي ادارې (ایف ای اې) د سایبر جرمونو د څانګې یو افسر د قومي اسمبلۍ د انفارمېشن ټیکنالوجۍ د چارو کمېټۍ ته انکشاف وکړ چې د نادرا معلومات په پراخه پیمانه هېک شوي دي.

د کمېټۍ تر هغې غونډې سمدستي وروسته ایف ای اې او خپله د نادرا چارواکو د ډېټا د افشا کېدو خبره رد کړه.

خو وروسته د چارواکو له خوا د ډېټا افشا کېدو په اړه کله د اقرار او کله د انکار په منځ کې تېر کال دا انکشاف وشو چې د پوځ د مشر جنرل عاصم منیر او د هغه د پلار د نادرا معلوماتو ته نه یواځې د غیرقانوني لاسرسي هڅه شوې.

د پوځ د مشر له شناختي کارډه دا هم معلومه کړل شوې وه چې د هغه پاسپورټ کله جوړ شوی دی او دا هڅه هم شوې وه چې د هغه د سفرونو او جایداد په اړه هم معلومات تر لاسه کړي.

د دې معاملې د پلټنو په نتیجه کې چې د پاکستان د پوځ د مشر شخصي معلوماتو ته غیرقانوني لاسرسی ثابت شو، په دې تور د نادرا شپږ افسران له خپلو نوکریو وایستل شول او له ځینو افسرانو استعفی وغوښتل شوه.

څرګنده دې وي چې د پوځ د مشر په ګډون د پاکستاني وګړو د شخصي معلوماتو د افشا کېدو شکایتونه په وروستیو کې ډېر زیات شوي وو او بیا د تېر نګران حکومت په دې اړه د پلټنو ډله جې ای ټي جوړه کړې وه.

د شخصي معلوماتو افشا کېدو زیانونه:

په لندن کې مېشت د سایبر امنیت ماهر او پر دې موضوع د څو کتابونو لیکوال رافع بلوچ وایي، د نادرا ډېټا د پاکستاني‌ وګړو د شخصي معلوماتو تر ټولو لویه ذخیره ده او حساسه هم ده.

رافع بلوچ وي او اې ته وویل که د خلکو په افشا شویو معلوماتو کې بایومېټرک معلومات هم شامل وي نو دا د اندېښنې خبره ده، ځکه چې وایي بایومېټرک معلومات نه بدلیږي او په کارولو سره یې د موبایل سیم را ایستل کېدای شي، جایداد منتقل کېدای شي او ډېر نور غیرقانوني کارونه ترې اخیستل کېدای شي.

رافع بلوچ وایي اوس چې د لکونو خلکو شخصي معلومات افشا یا غلا شوي او اوس پکې څه بدلون هم نه شي کېدای، نو دا امکان شته چې سایبر مجرمان یې معلومات استعمال کړي او دوی بلیک مېل کړي.

بلوچ وایي د دوی د ډېټا له لارې د سوشل مېډیا او نور اکاونټونه جوړېدای شي او د دغو خلکو د شناخت د غلا کېدو کېسونه هم مخې ته راتلای شي چې ملومات یې غلا شوي دي.

هغه دا اندېښنه هم ښکاره کړه چې کېدای شي د معلوماتو د افشا کېدو دغه پېښه له سایبر جرم یا مالي فراډ او ټګۍ سره تړلې وي، ځکه چې وایي دا ډول ډېټا په عمومي توګه پر «ډارک ویب» خرڅیږي او دا یو لوی کاروبار دی.

رافع بلوچ وایي ډېرې کمپنۍ د خلکو پر شخصي معلوماتو یا ډېټا باندې کار کوي او په نړۍ کې د ډېرو ملکونو له امنیتي ادارو سره هم داسې معلومات وي چې هغوی یې کله هم کارولای او د کوم تن په اړه پلټنې کولای شي.

د بلوچ په وینا په پاکستان کې تر اوسه د خلکو معلومات په بشپړه توګه ډیجیټل شوي نه دي خو وایي د وخت په تېرېدو چې څومره ډېټا ډیجیټل کیږي، خطرونه به هم ورسره زیاتیږي، ځکه نو وایي په دې اړه امنیتي اوزارو ته په کتو کار کول پکار دي.

د رافع بلوچ په وینا د خلکو د شخصي معلوماتو د خوندي ساتلو په اړه تر اوسه په پاکستان کې هیڅ قوانین نه شته، ځکه نو د ډېټا د ساتلو ذمه واري پر نادرا، ټیلیکام کمپنیو او نورو اړوندو ادارو باندې ده.

یادونه:- دا رپوټ د وي او اې اردو له ویبپاڼې ژباړل شوی دی.

پاکستان: سپریم کورټ پوځي عدالتونو ته د عامو خلکو د مقدمو د فیصلو اورولو مشروط اجازت ورکړی

د پاکستان سپریم کورټ په پوځي عدالتونو کې د عامو خلکو خلاف د مقدمو په ضد اپيلونو باندې پوځي عدالتونو ته د محفوظ شوو فېصلو اورولو مشروط اجازت ورکړی دی. عدالت ویلي د پوځي عدالتونو فېصلې به په اپيلونو د حتمي پرېکړې سره تړلې وي.

د زيارت- پنجشنبې په ورځ په پوځي عدالتونو کې د عادي خلکو خلاف د مقدمو غیرقانونه ګرځولو په ضد اپيلونو باندې اورېدنه د سپريم کورټ د جج جسټس امين الدین خان په مشرۍ شپږ کسيز بېنچ وکړه.

د اورېدنې په پېل کې اټارني جنرل یا سرکاري وکيل عدالت ته وویل چې د نهمې مې د 103 ملزمانو څخه 20 ملزمان به د مجوزه طريقه کار وروسته خوشي کړی شي.

اټارنى جنرل منصور عثمان عدالت ته وویل چې په لومړي پړاو کې به محفوظ کړی شوې فېصلې اورول کېږي، په دوېمه مرحله کې به د هغې منظوري ورکول کېږي او په درېیم پړاو کې کمه سزا ترلاسه کونکو کسانو ته د مشر قاضي لخوا رعایت ورکول شامل دي.

قانونپوه او په دې مقدمه کې د سپريم کورټ د پخواني جج جسټس جواد اېس خواجه وکيل اعتزاز احسن وايي د شلو ملزمانو د پرېښودو سره به فشار راکم شي:

"پاتې شوه په پوځي عدالتونو کې د عادي خلکو خلاف د مقدمو چلول کېدو خبره نو د هغې پرضد زموږ موقف پر ځای دی او مونږ ګڼو چې په پوځي عدالتونو کې د ملکي خلکو خلاف مقدمه نه شي چلول کېدی".

سرکاري وکيل عدالت ته خواست وکړو چې ځانګړو عدالتونو ته دې د محفوظ کړی شوې فېصلې د اورولو اجازه ورکړی شي خو په دې اړه د شپږکسيز بېنچ مشر جسټس امين الدین خان وویل که اجازه ور هم کړی شي دا به په اپيلونو د حتمي فېصلې سره مشروط وي.

د عدالتي چارو خبريال غلام نبي يوسفزی وایي، د سپريم کورټ مخې ته چې کوم اصل سوال پروت دی، هغه دا دی چې پوځي عدالتونو ته د عامو خلکو خلاف د مقدمو چلولو د سره اختيار نه شته:

"فرض کړه دا شل کسان خوشي شي او دا پرېکړه حتمي شي نو بيا د هغې مطلب دا دی چې سپريم کورټ د پوځي عدالتونو دغه اختيار ومانه".

د ملزمانو وکيل فېصل صديقي عدالت ته وویل که دا ملزمان په عامو عدالتونو کې وو نو تر اوسه به بهر راوتلي وای، خو وایي په دې باندې جسټس محمد علي مظهر پوښتنه وکړه چې ایا ته مقدمې د ترهګرۍ ضد عدالتونو کې چلول غواړې چرته چې د سزا موده د 14 کلونو څخه کمه نه ده.

ددې نه علاوه سپريم کورټ د خېبر پښتونخوا حکومت هغه درخواست هم منظور کړ، چې په پوځي عدالتونو کې یې د عادي خلکو د مقدمو د غیرقانونه ګرځولو په ضد د جمع کړی شويو اپيلونو د بېرته اخستو غوښتنه کړې وه.

د سپریم کورټ لپاره د خېبر پښتونخوا اېډوکېټ جنرل سيد کوثر علي شاه وایي، "مونږ د خپلو خواستونو د بېرته اخستو لپاره د صوبايي کابينې د منظورۍ سره درې درخواستونه جمع کړي وو او نن عدالت هغه منظور کړي او مونږ خپل پيټيشن چې د خېبر پښتونخوا د اړخه وو هغه واپس شو".

سپريم کورټ په راتلونکې اورېدنه باندې کم سزا موندونکو او د خوشي کېدو وړ ملزمانو رپورټ هم غوښتی او اټارنى جنرل ته یې په ډاګه کړې چې په پوځي عدالتونو کې ملزمانو ته په حتمي سزا اورول کېدو باندې به حکم امتناع برقراره وي او دې سره یې د مقدمې اورېدنه د اپریل تر اخري هفتې پورې وځندوله.

د پاکستان وزیراعظم د چيف جسټس سره ليدلي

د  ليدنې په اړه په رسمي توګه کوم بيان مخې ته نه دی راغلی خو ويل شوي، په ليدنه کې به د ججانود خط په اړه هم خبرې شوي وي
د  ليدنې په اړه په رسمي توګه کوم بيان مخې ته نه دی راغلی خو ويل شوي، په ليدنه کې به د ججانود خط په اړه هم خبرې شوي وي

د پاکستان وزيراعظم شهباز شريف د چيف جسټس قاضي فايز عيسا سره ليدلي، دا ليدنه په داسې وخت کې شوې چې د اسلام اباد هايکورټ شپږو ‏ججانو د سپريم جوډيشل کونسل نه په يو خط کې غوښتنه کړې د خفيه يا پټو ادارو لخوا په ججانو د اثر اندازه کېدو او لاسوهنې په سر دې جوډيشل ‏کنونشن وبلل شي.‏

د وي او اې اردو د خبر ترمخه، د چيف جسټس سره د شهباز شريف په ليدنه کې د قانون وزير اعظم نذير تارړ او اټارني جنرل منصور عثمان هم موجود وو.‏

د ليدنې په اړه په رسمي توګه کوم بيان مخې ته نه دی راغلی خو ويل شوي، په ليدنه کې به د ججانود خط په اړه هم خبرې شوي وي.‏

د وزيراعظم د چیف جسټس سره د ليدو نه وړاندې، پرون اټارني جنرل هم د چيف جسټس قاضي فايز عيسا سره ليدلي وو.‏

جسټس، محسن اختر کیاني، جسټس بابر ستار، جسټس طارق جهانګيري، جسټس سردار اعجاز اسحاق، جسټس ارباب محمد طاهر او جسټس ثمن ‏رفعت امتياز په عدالتي چارو کې د مبینه لاسوهنې په سر د جوډيشل غونډې بللو غوښتنه کړې ده.‏

پاکستان بار کونسل هم د شورو/ چارشنبې په ورځ د اسلام اباد هایکورټ د ججانو د خط د پلټنې دپاره د سپريم کورټ د لږ تر لږه درېو ججانو د بنچ جوړولو ‏غوښتنه کړې ده.‏

پاکستان بار کونسل ويلي، ججانو چې کومه اندېښنه څرګنده کړې دا سنګينه معامله ده سمدستي توجه ته اړتيا لري.‏

د ججانو د خط چې پکې د خفيه ادارې (آی اېس آي) په عدالتي چارو يا ججانو اثر اندازه کېدو دعوه شوې، د پاکستان پوځ او آی اېس آی لخوا دغه دعوې ‏ته رسمي غبرګون مخې ته نه دی راغلی.‏

د حکومت مخالف ګوند پاکستان تحریک انصاف هم د ججانود خط د پلټنې غوښتنه کړې ده.‏

په خط کې ویل شوي چې د عدلیې د ازادۍ د باوري کولو لپاره د ادارې په توګه دې معاملې ته غبرګون پکار دی او له عدالتي کنونشن څخه به درک ‏ولګیږي چې د ملک د نورو هایکورټونو قاضیان هم له دې حالت سره مخ دي که نه.‏

په خط کې ویل شوي په عدالتي چارو کې د خفيه ادارو لاسوهنه کومه نوې خبره نه ده او پخوا د اسلام اباد هاىکورټ جج شوکت عزیز صديقي هم د ‏استخباراتي ادارې آی اېس آی د لاسوهنې معامله مخې ته راوړې وه.‏

شوکت صدیقي په کال 2018م کې د خپل منصب څخه ګوښه کړل شوی و او د سپریم کورټ اوسني چیف جسټس د مارچ په 22مه په خپله پرېکړه کې د ‏شوکت صديقي ګوښه کېدل ناسم وبلل او هغه يې رېټاېرډ جج وباله.‏

خط لیکونکو ججانو د فشار د هڅو په اړه د اسلام اباد هایکورټ مشر قاضي ته په کال 2023 او 2024 کې ليکل شوي لیکونه هم شامل کړي او په خپلو ‏چارو کې د هغو مسولو او ممکنه لاسوهنو یادونه يې پکې کړې ده چې دغو ججانو ته وخت په وخت مخې ته راغلې دي.‏

په خط کې لیکل شوي چې په عدلیه کې د استخباراتي ادارو د ممکنه مداخلت په اړه د جسټس رېټاېرډ شوکت عزیز صديقي د تورونو حمایت کوي. په خط ‏کې غوښتنه شوې چې د جسټس صدیقي د تورونو په اړه تحقیقات دې وشي.‏

په خط کې زياته کړل شوې، د پخواني وزيراعظم عمران خان خلاف د ټيريان وايټ په قضيه کې د ججانو په رایو کې اختلافات پېل شوي وو، جسټس عامر ‏فاروق د ټيريان قضيه د اورېدنې وړ ګرځولې، او چا چې قضيه د اورېدنې وړ نه وه ګرځولې، په هغو ججانو د آی اېس آی لخوا د خپلوانو او دوستانو د لارې ‏سخت فشار اچول شوی وو.‏

ججانو ویلي، دغه معامله یې د اسلام اباد د چیف جسټس، او بيا د هغه وخت د سپریم کورټ د چيف جسټس په وړاندې راوړلې وه او بیا ورته چیف ‏جسټس ويلي وو چې د آی اېس آی د مشر سره خبره شوې، بيا به داسې نه کیږي خو دغه لړۍ نه ده ودرېدلې.‏

نور کتل

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00
XS
SM
MD
LG