د افغانستان سرښار کابل کې د ګل، دوشنبې، په ورځ ځانمرګي چاودنه کې لږ تر لږه شپږ کسان ووژل شوو او ۱۳ نور زخمیان شول.
د کابل پولیس ترجمان خالد ځدران وویل په چاودنه کې د یوې ښځې په شمول شپږ کسان ووژل شوو او ۱۳ نور زخمیان شول.
ځدران په اېکس، پخواني ټوېټر، خپل پوسټ کې وویل "نن مازدیګر د کابل ښار ۶ حوزې اړوند قلعهٔ بختیار سیمه کې یو کس پر ځان پورې تړلو چاودېدونکو موادو ته انفجار ورکړی چې متأسفانه د یوې ښځې په ګډون ۶ ملکي وګړي شهیدان او ۱۳ نور ټپیان شوي. زخمیان پر وخت روغتونونو ته لیږدول شوي او د پېښې په اړه څیړنې روانې دي."
د دې نه مخکې د طالبانو د داخله چارو وزارت ترجمان عبدالمتین قانع د ټېلې فون دلارې روېټرز خبري ادارې ته د چاودنې تصدیق کړی و خو دا يې نه ویلي چې دا ځانمرګي حمله وه.
قانع وویل چاودنه د کابل په دارالمان کې شوې چې د ښار جنوب مغربي برخه ده.
په کابل کې وروستۍ چاودنه په سمدسټي ډول چا نه ده منلې.
په افغانستان د طالبانو د بیا واکمنېدو راهسې داعش وسله والې ډلې په کابل کې د ځینو خونړیو حملو ذمه واري په غاړه اخېستې ده.
Forum