لاس رسیدونکی لینک

Breaking News

د پاکستان پارليمان د نیول شوو بلوڅ مېرمنو سره د تشدد په اړه رپورټ غوښتلی


دښاغلي مېنګل تر مخه په آواران سيمه کې د نومبر په ۲۹مه نېټه څلور بلوڅ مېرمنې تښتول شوې وې او بيا پرې په حراستي مرکز کې تشدد شوې وو.

د پاکستان د قامي اسمبلۍ مرستيال سپيکر قاسم خان سوري د بلوڅ ملت پاله ګوند د احتجاج وروسته داخله وزير ته امر کړی چې تېره مياشت د بلوچستان په اواران سيمه کې د تښتول شوو ښځو سره د ممکنه زور زياتي په اړه دې سبا پارليمان ته حال ورکړي.

تیره ورځ د پاکستان په قامي اسمبلۍ کې د تښتول شوو بلوڅو مېرمنو په اړه د واکمن تحريک انصاف اتحادي ګوند بلوچستان نېشنل پارټۍ مشر سردار اختر مېنګل د سپيکر د کرسۍ وړاندې احتجاجي دهرنه اوکړه. مرستيال سپيکر قاسم خان سوري د اختر مېنګل د احتجاج وروسته دغه امر ورکړو.

دښاغلي مېنګل تر مخه په آواران سيمه کې د نومبر په ۲۹مه نېټه څلور بلوڅ مېرمنې تښتول شوې وې او بيا پرې په حراستي مرکز کې تشدد شوې وو.

ښاغلي مېنګل قامي اسمبلۍ ته ويلي د ټوپک يا تورې په زور نه د چا مذهب بدلېدلی شي او نه د چا شهريت، نو ترڅو چې پاکستان د بلوچستان د وګړو سره برابر سلوک نه کوي هغوي په زور نه شي پاکستانيان کېدلی.

ښاغلي مېنګل په پاکستاني ادارو نيوکې کړې او ويلي دي د بلوڅانو په مېرمنو تشدد د بلوچستان په کلتور حمله ده او د دوي ګوند به د دغې پېښې د پلټنو لپاره د اوچتې کچې يوه کمېټي جوړوي.

په بلوچستان کې اکثر په حکومت نيوکې کېږي چې رياست د دوي په معدينياتو قبضه اچولې او دوي ته يې ګټې نه ورکړل کېږي.

خو پاکستاني چارواکي دغه تورونه ردوي او وايې دوي د ټولو صوبو وګړو ته په يوه سترګه ګوري.

  • 16x9 Image

    بختور شاه

    بختور شاه په واشنګټن ډي سي کې د وي او ای ډيوه لپاره په قبايلي سيمو، تعليم او شعرو شاعرۍ خپرونې کوي، د بي بي شیرېنې پروگرام کوربه دی او د ډیوه د ویب پاڼې لپاره ځانګړي بلاګونه ليکي. په انګرېزي ادب کې د پېښور يونيورسټۍ نه ماسټر ډگري لري او شاعري هم کوي

     

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG