د بنګله دېش حکومت ویلي سږ کال تر اوسه پورې په ملک کې 778 کسان د ډېنګي مرض نه مړه شوي او 157172 نورکسان د میاشي په زریعه خپرېدونکي ناروغۍ مریضان کړي دي.
ماهرین وايي په بنګله دېش کې ډېنګي د مخنیوي په کوښښونو کې د رابطو نیشت والی هم د مرض په چټکتیا د خپروېد سبب دی.
د ملګرو ملتونو د صحت ادارې ورلډ هېلت ارګنایزېشن په وروستیو ورځو کې خبرداری کړی چې د موسمي بدلون له امله هم د ډېنګي، زیکا او د میاشو دلارې انسانانو ته لګېدونکي نورې ناروغۍ په چټکیتان خپرېږي.
د بنګله دېش د صحت محکمې ډرېکټرېټ جنرل هېلت سروېسز وویل سږ کال تراوسه په ملک کې د ډېنګي مرض نه 778 کسان مړه شوي 157172 نور ترې ناروغه شوي دي.
د 2022 په ټول کال کې د ډېنګي نه 281 کسان مړه شوي وو.
په پاکستان کې هم وخت په وخت ډېنګي کېسونه رپورټ کېږي.
د ډېنګي عامو علاماتو څه د ډول دي: سخته تبه، په بدن دردونه، زړه خرابېدل او کوزکتل، په پلو کې دردونه او په ډیرو سختو کېسونو کې د بندن دننه وینا بهېدل چې بالاخر ترې مرګ هم کېدلی شي.
د بنګله دېش سرښار ډهاکه کې د یو سرکاري هسپتال مشر محمدنعمت الزامان د زیارت، پنجشنبې، په ورځ وویل هېواد یې ډېنګي په مخینوي کې د مشکلاتو سره ځکه مخامخ دی چې مستقل تګلاره نه لري او ډیرو خلک یې د علاج نه ناخبره دي.
هغه وویل د ډهاکې او د نورو لویو ښارونو نه بهر نرسانو او د صحت نور کارکونکي د ډېنګي د علاج دپاره زیاته تربیت ته ضرورت لري.
هغه وویل حکومت ته پکار دي چې د ښارونو منتظېمین، د مقامي حکومتونو کارکونکي او څېړونکي یو ځای کړي چې په مستقبل کې ډېنګي د مخه نیولو لارې چارې ولټوي.
په ډهاکه کې ځینې خلک د حکومت د کوښښونو نه خوشحاله نه دي.
د ښار اوسېدونکي ذاکر حسین وویل د کور سره نژدې د خځلې پردې دي، هغه احتیاط کوي او د میاشو نه د بچ کېدو دپاره جال استعمالوي خو بیا د دې باوجود یې لور يې ډېنګي مریضه کړه. هغه وویل که چېرې د ښار کارکونکو د میاشو خلاف دوایانې شېندلی وی نو د ډېنګي مرض به نه خپرېدو.
Forum