لاس رسیدونکی لینک

Breaking News

د چارسدې بسراجه بي بي وايي د خاوند او بچو د کلونو په خوارۍ جوړ د دوو کوټو کور يې سېلاب تباه کړو


دبسراجې بي بي دکور په څير په پاکستان د افتونو په وخت د نظم د ادارې اېن ډي ايم ای ترمخه په ملک کې بارانونو او سېلابونو 19لکه نه زيات کورونه اغېزمن کړي چې پکې نزدې اته لکه په مکمله توګه تباه شوي دي

په چارسده کې دسوات دسیند په غاړه د اوسیدونکې بسراجې بي بي په کور مياشت وړاندې سېلاب راغلی خو دهغې کور کډې اوس هم خورې ورې پرتې دي.

بسراجه بي بي وايي د خاوند او بچو د کلونو په خوارۍ مزدورۍ یې دا د دوؤ کوټو کور جوړ کړی و او د کور د استعمال سامانونه په خوارو زارو اؤ زړه چاودون برابر کړي وو خو سيلاب ترې د کور ټول لوخي لرګي لوهو کړي اؤ تباه کړي دي.

دبسراجې بي بي دکور په څير په پاکستان د افتونو په وخت د نظم د ادارې اېن ډي ايم ای ترمخه په ملک کې بارانونو او سېلابونو 19لکه نه زيات کورونه اغېزمن کړي چې پکې نزدې اته لکه په مکمله توګه تباه شوي دي۔

د چارسدې د سوات د سيند پغاړه د اباد دې کلي ديرشو کورونو ته د څلورو نه تر شپږو فټو پورې اوبه ختلې وې، ودانيو ته يې زيان اړولی او کورونو کې موجود سامانونه دسیلاب اوبو لاهو کړي دي.

د کلي یو اوسيدونکی ربنواز وي او ای ډيوه ته وايي دا خلک د روزانه په حساب دياړي مزدوري کوي او اوس ددې کورونو د بيا ودانۍ مالي توان نه لري۔

په پاکستان کې سيلابونو خلکو ته د مالي تاوان سره سره ځاني زیانونه هم اړولي دي، نزدې شپاړس سوؤ تنانو پکې ژوند د لاسه ورکړی دی چې د دریوؤ سوو تعلق پکې د خېبر پښتونخوا سره دی.

د ياسين خان ماشوم واره او وريره هم باراني اوبو وړي وو،هغه ډيوه ته وايي د سېلاب راتلو سره د کلي نه بهر وتلي وؤ خو بيا په کنده کې راغلو اوبو ته یې اووه کلن وراره پريوتو او د هغه بچ کولو د پاره يې وريرې هم اوبو ته دانګلي وو خو دواړو ژوند د لاسه ورکړو۔

سېلاب ځپلي خلک وايي د دې افت اغېز به یې په ژوند تر ډيرې مودې وي، مالي او ځاني تاوانونو يې د راتلونکي د پاره ختمې کړې دي، بسراجه بي بي هغسې کور ابادول به بيا په کلونو وخت غواړي.

د پاکستان حکومت وايي سيلابونو 12716 کلومیټره سړکونه او 374 پلونه ،تعليمي ادارې،دصحت مرکزونه، هوټلونه او دوکانونه اغېزمن کړي چې د مجموعي تاوان اندازه يې ديرش بيلينه ډالره لګول شوې ده .

حکومت وايي هغه خلکو سره به مرستې کوي چې د سېلاب نه اغېزمن شوي دي.

د خېبر پښتونخوا حکومت دې سیلابونو کې په مکمله توګه د وران شوو کورونو مالکانو ته د څلور،څلو لکو او په جزوي توګه د زیانمنو شوؤ کورونو مالکانو ته ديو لک اؤ شپيتوؤ زرو روپو ورکولو اعلان کړی دی، خو سېلاب نه اغېزمن شوي خلک وايي د حکومت اعلان کړی امداد ډير کم دی او په ورانو کورونو يې خرچ ډير راځي

  • 16x9 Image

    ارشد مومند

    ارشد مومند د ډيوه خبريال دی د پاکستان قبائيلي سيمو نه د تعليم،صحت، کلتور اؤ ترهګرئ ضد جګړی په اړه راپورونه راليږي. دپیښور پوهنتون جرنلزم څانګی نه يي د ماسټر ډګري ترلاسه کړی

     

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG