د امریکې خارجه وزیر اېنټني بلېنکن د ګل، دوشنبې، په ورځ په ریاض کې د ورلډ اکنامک فورم غونډې ته وویل امریکا او سعودي عرب د امنیت معاهدې ته نږدې شوي او سعودي عرب ته به اسرایل سره د سفارتي تعلقات قایمولو په صورت کې وړاندې کولی شي.
بلېنکن وویل د امریکې او سعودي عرب په تړون کار مکمل کېدو ته په ممکنه توګه نږدې دی.
بلېنکن زیاته کړه چې امریکې او سعودي عرب اسرایل سره د تعلقاتو په لړ کې تېره میاشت ډیر کار کړی دی.
بلېنکن وویل هغه د تېر کال د اکتوبر په لسمه نېټه سعودي عرب ته راتلونکی و چې د اسرایل او فلسطینیانو د تعلقات په سمولو په خصوصي توګه توجه وکړي خو سعودي دوره يې په اووم اکتوبر په اسرایل د فلسطیني مسلح ډلې حماس د حملې په سبب وځنډېدله.
بلېنکن وویل د تعلقاتو سمولو دپاره پکار ده چې دوه کارونه وشي: په غزه کې امن قایم شي او د فلسطیني ریاست د قیام دپاره د اعتماد وړ لاره برابر کړی شي.
امریکايي چارواکي وايي په سیمه کې د مستقل امن او امان او په منځني ختیځ کې د اسرایل د شمولیت دپاره ضروري ده چې د فلسطیني ریاست د قایمېدو لاره برابر کړی شي او اسرایل د تحفظ ضمانت ورکړی شي.
ټاکل شوې وه چې بلېنکن به د ګل، دوشنبې، په ورځ د سعودي ولي عهد محمد بن سلمان او بیا به اردن او اسرایل ته ځي. هغه به اسرایلي وزیراعظم بېنجمن نېټن یاهو او د نورو اعلا چارواکو سره ملاقاتونه کوي.
د امریکې صدر جوبایډن حکومت د سعودي عرب او اسرایل ترمنځ د تعلقاتو په ممکنه معاهده کار کوي د دې باوجود چې ځینې چارواکي او څېړونکي د دې ډېر امکان نه ویني.
د اسرایل وزیراعظم بېنجمن نېټن یاهو د اسرایل او د فلسطینیانو د شخړې هواري دپاره د دوو ریاستونو د جوړېدو او په غزه د فلسطیني ادارې د واک اختیار مخالفت کوي. نړیواله ټولنه د دواړو غوښتنو حمایت کوي.
د ګل، دوشنبې، په ورځ په ریاض کې د خلیجي ملکونو د همکارۍ تنئظیم ګلف کواپرېشن کاونسل سره ملاقات کې بلېنکن په غزه کې د انساني امداد په موضع هم خبرې وکړې او ويې وېل سیمې ته د امداد رسوولو بهترینه لار دا ده چې جنګ بند کړی شي.
Forum