لاس رسیدونکی لینک

Breaking News

په کوټه کې بمي چاودنه کې یو تن وژل شوی، 13 زخمیان دي


د کوټې د پوليس د چاﺭواکو په خبره چاودنه د جمعې په ماښام د سبزل سړک پر پدکلي چوک شوې

د بلوچستان مرکزي ښار کوټه کې د جمعې په ماښام بم چاودنې یو تن وژلی او دیارلس نور کسان يې زخمیان کړي دي.

د کوټې د پوليس د چاﺭواکو په خبره چاودنه د جمعې په ماښام د سبزل سړک پر پدکلي چوک شوې.

پوليس وايي په لومړيو پلټنو کې معلومه شوې چې چاودنه د لاسي بم ده چې پکې د ماشومانو په ګډون ديارلس تنه ټپيان شوي او يو تن وژل شوی دی۔

د کوټې د سيول روغتون وياند وسيم بېګ رسنيو ته په یو بيان کې ليکلي چې په پېښه کې د مړه شوي يوه تن جسد او ديارلس ټپيان سول روغتون ته ور وړل شوي، وايي ټپيان د روغتون په ټراما سېنټر څانګه کې تر درملنه لاندې دي۔

وياند زياته کړه چې دوه تنه زيات ټپي شوي او د نورو حالت له خطره وتلی دی۔

د پوليس چارواکو په خبره د بريد هدف لا ندی معلوم شوی خو وايي پولس، ايف سي او د نورو امنيتي او تفتيشي ادارو کارمندانو د پېښې له ځایه تفصيلات او شواهد را ټولو کړي او د پېښې پلټنې يې پېل کړې دي۔

د رپورټ د جوړولو تر وخته د بم چاودنې په اړه تر کوم تنظيم يا ډلې زمه واري نده منلې۔

د بلوچستان وزير اعلا مير عبدالقدوس بزنجو او د بلوچستان د کورنيو چارو صلاکار مير ضيا لانګو د پېښې غندنه کړې، اړوند ادارو يې د يادې پېښې په اړه رپورټ طلب کړی او په ښار کې د امنيت خوندي ساتلو امر يې کړی۔

تر دې وړاندې د سېپټمبرپه اوومه نېټه هم د کوټې مېکانګي سړک په لاسي بمي بريد کې اوه تنه ټپيان شوي وو.

د کوټې په ګډون د بلوچستان په بېلا بېلو سيمو کې د وسلوالو بريدونو او بمي چاودنو زمه واري زياتره وخت بلوڅ بېلتون غوښتونکې وسلوالې ډلې او يا يې هم وخت نا وخته مزهبي تندروه ډلې مني.

د جمعې په ورځ په کوټه کې بم چاودنه پداسې حال کې شوې چې په کوټه ښار کې د خالي، شنبې، شنبې په ورځ د کربلا د پېښې د څلويښتۍ په مناسبت د خصوصي دستورو او د جلسونوتياريانې روانې دي او د حکومت امنيتي عسکر په بېلا بېلو سيمو کې ګمارلي دي۔

د وفاقي حکومت لخواه په يوه جاري کړل شوې اعلاميه کې ليکل شوي چې د پاکستان په ټولو لويو ښارونو کې به د ايف سي او پوليس تر څنګ د پاکستان د پوځ عسکر هم د څلوېښتمې د جلوسونو د خوندي ساتلو لپاره خپلې زمه وارۍ تر سره کوي۔

بل لوري ته د بلوچستان ايالتي حکومت له مرکزي حکومت څخه د کوټې په شمول په بېلا بېلو ښارونو کې د موبايل او انټرنېټ سنګلز د خالي، شنبې، په ورځ د بندولو سپارښتنه کړې ده۔

  • 16x9 Image

    حفیظ الله ستوری شېرانی

    حفیظ الله ستوری شېرانی په بلوچستان کې د وي.او.اې ډیوه د خبریال په توګه کار کوي. هغه له بلوچستان پوهنتون څخه په جرنلزم او پښتو ادبیاتو کې ماسټرۍ کړې دي او له تېرو اوو کلونو راهیسې د جرنلزم په میدان کې کار کوي. شپږ کاله یې د پاکستان له (ډان) ټیلیویژن سره د خبریال په توګه کار کړی او په بېلابېلو ورځپاڼو کې یې کالمونه هم لیکلي دي. په بلوچستان کې د ډیوه رېډیو او ټیلویژن لپاره د ملټي مېډیا په برخه کې پر بېلابېلو سیاسي، کلتوري او ټولنیزو موضوعاتو رپوټونه جوړوي.

     

XS
SM
MD
LG