د کېنېډا چارواکي چې د کرونا وبا دلاسه د هېواد زیانمن شوي اقتصاد د بحالۍ دپاره منصوبه سازي کوي د ملک په اقتصاد کې د مهاجرت کوونکي کرادار اهم بولي.
د وي او ای رپورټ وایي کېنېډا د بل هر ملک نه زیات مهاجرت کونکي لري چې د کال ۲۰۱۶ د سر ش شمېرنې ترمخه شرح یې د ملک د ابادۍ ۲۱ اشاریه نهه فیصد ده. په کېنډا کې تر ټولو زیات مهاجرت کونکي د اېشیا، بیا د افریقي او بیا د یورپ دي. په کېنېډا کې د پنځه لکه نه زیات غېرملکي طالب علمان سبق وايي.
د کرونا وبا نه وړاندې کېنېډې ته هر کال د درې لکه نه زیات مهاجرت کونکي ورتلل خو څېړونکي وايي د خلکو ته د وېکسین ورکېدلو په پرواګرام کې د پراخوالي نه پس به کېنېډې ته د مهاجرت کوونکو لرۍ بیا پېل شي.
د کېنېډې د ټورانټو ښار په رېسن یونېورسټۍ کې د مهاجرت ماهر هېرلډ باوډر وي او ای ته وویل د وړاندې وختونو پرتله کېنېډا په موجوده وخت کې مهاجرت ته زیات ضرورت لري. هغه وویل د اقتصاد بحالۍ ته چټکتیا ورکولو دپاره مهاجرت د مسلې حل دی. هغه دا هم وویل کېنېډ ته د مهاجرت خواهشمندو دپاره به دا ښه کال وي.
باوډر وویل د حکومت نه داسې نخښې ترلاسه کېږي چې کله د کرونا وبا ختمه شي نو مهاجرت به د اقتصاد د بحالۍ د مسلې برخه جوړوي.
د مهاجرت په اړه د کېنېډا حکومت په وېب پاڼه وېل شوي مهاجرت کونکي په اقتصادي پرمختګ کې مرسته کوي، ټېکس یا مالیا ادا کوي، د خواریکښو کمی پوره کوي، په کورونو او د ټرانسپورټ په مد کې پېسې مصرفوي. مهاجرت په ابادۍ کې د بدلون منفي اثرات هم ختموي. په کال ۲۰۱۹ کې په کېنېډې کې د ماشومانو د زېږېدنې شرح تر ټولو کمه وه.
د وي او ای رپورټ وايي تېر کال په کېنېډا کې د مهاجرت کوونکو دپاره سخت و، ګڼ شمېر مهاجرت کوونکي د کرونا وبا له امله بې روزګاره شول خو ځینو مهاجرت کوونکو د صحت د خېر ښېګړې په برخه کې خدمات ترسره کول.
د امېګرېشن سروسز اېسوسي اېشن نومې ادارې مشره جېنېفر واټس وویل د وبا په مهال مهاجرت کوونکو په اول صف کې خدمات ترسره کړي او د اقتصاد په بحالۍ کۍ به هم د رهبرۍ کردار ادا کوي. هغې وویل په ځینو نورو مدونو کې د ځینو مهاجرت کوونکو روزګارونه په منفي ډول متاثر شوي دي.
د حزب اختلاف نیو ډېموکرېټک پارټۍ مشر جګ میت سنګ وي او ای ته په یو بیان کې وویل د کروبا وبا په ټوله کېنېډا کې نوي اباد شوي خلک او د نړیوالو طالب علمانو په شمول هر څوک ځپلي دي.
د وي او ای رپورټ وايي کېنېډا دا شهرت لري چې د تنوع ټولنه یې د هرچا هرکلی کوي خو ډیر مهاجرت کونکي د مهاجرت مخالفه جذباتو سره هم مخامخ کیږي.
د ټورانټو د یورک یونېورسټۍ طالب علم نوا خان په خپله څېړنه کې په انټرنېټ د ايشايي طالب علمانو خلاف د کرکې وېنا ته کتنه کوې او وايي په دې کې اضافه شوي ده.
د وي او ای سره خبرو کې هغه وویل د هغه خپلو تجرباتو هغه په دې اړه څېړنې ته متحرک کړو. هغه وویل نا معلومه تن ورته په ایمېل کې وویل د طالب علمانو په غونډو کې به په هغه نظر ساتل کېږي او هغه مخاطب کولو دپاره یې د "سېنډي" ټکی استعمال کړو چې د منځني ختیځ د خلکو دپاره د بې احترامۍ په ډول استعمالېږي.
خان وویل دا خبره واضحه ده چې د ايشايي نسل خلکو په ضد کرکه زیاته شوي ده.
د اتوار، يکشنبې، په ورځ د کېنېډې د انټاریو صوبې په لندن کې ښار کې یو تن په خپل ټرک د پاکستاني نژاد کورنۍ څلور غړي ووژل. پولیس ویلي دغه حمله د کرکې په بنیاد شوي ده. حمله کونکي پولیس ګرفتار کړی دی.
