لاس رسیدونکی لینک

Breaking News

هندوستان او چین وايي په همالیه سیمه کې په سرحد تاوتریخوالی به کم کړي


په دې تصویر کې د هندوستان خارجه وزیر اېس جی شنکر، د روس خارجه وزیر سرکی لاورو او د چین سټېت کاونسلر وانګ يي ولیدل کیږي

په ماسکو کې په اعلا سفارتي کچه د خبرو وروسته چین او هندوستان ویلي د همالیه په غرنۍ سیمه کې په مشترکه سرحد د ورستي تاوتریخوالي کموولو او د امن او ثبات پرځاي کوولو دپاره په ګامونه پورته کوي.

د هندوستان خارجه وزیر اېس جی شنکر د زیارت، پنجشنبې، په ورځ د روس سرښار ماسکو کې د چین سټېت کاونسلر وانګ يي سره ولیدل او د رویټرز خبري ادارې ترمخه دواړه سفارتکاران تاوتریخوالي کموولو دپاره په پنځو ټکو متفق شول.

د رویټرز خبري ادارې رپورټ وايي په ماسکو کې د شنګايي کواپرشن ارګنایزېشن د غونډې په څنډه کې د خبرو په مهال د هندوستان خارجه وزیر اېس جی شنکر او د چین سټېت کاونسلر وانګ يې متفق شول چې دواړه ملکونه به مذاکراتو ته دوام ورکوي، پوځونه به یې د یو بل نه مناسب فاصله ساتي او تاوتریخوالی به کمووي.

د همالیه په سیمه کې د هندوستان او چین ترمنځ د پولې په سر تاوتریخوالی د می د میاشت راهسې زیات شوی دی او د جون په میاشت کې هندوستان وویل چینايي ځواکونو سره لاس په لاس جنګ کې یې ۲۰ عسکر ووژل شوو.

دواړه ملکونه په یو بل په سیمه کې د سرحد د خلاف وزرۍ الزامات لګوي.

XS
SM
MD
LG