پاکستان د چین سره د ازاد تجارت په اړه د دوېمې لوظنامې نه په اخېري وخت کې په شاه شوی دی. په دغه لوظنامه کې د چین نه په راتلونکي توکو(درامدات) باندې چینايي کمپنیو ته ۷۵ فیصده ماليې کمې شوې وې.
د دواړه هیوادونو تر مېنځ د تجارت په لومړي تړون کې په چینايي توکو (درامداتو) باندې پاکستان ۳۵ فیصده مالیه یا ټېکس لګولی وو. خو چینایانو غوښتل چې یواځې ۲۵ فیصده مالیه به ورکوي.
د پاکستان د خزانې وزیر رانا محمد افضل ویلي دغه لوظنامه په اخیري وخت کې ځکه وځنډیده، چې فیصل اباد کې میشت تاجرانو د چین لخوا وړاندیزونو باندې سختې نیوکې وکړې. فیصل اباد ښار پاکستان کې د کپړې د صنعت ستر مرکز دی.
د پاکستان د انګریزۍ ژبې یوې ورځپاڼې د رپوټ ترمخه د ازاد تجارت (فري ټریډ اېګرمنټ) یا ایف ټي ای دوېم پړاو دغه لوظنامې د لاس لیک کولو لپاره د دواړه ملکونو چارواکو لس وارې ناسته کړې.
او د دغې په سر د صنعتونو او مالېې راغونډولو ادارې د تجارتي چارو وزارت ته سخت مقاومت ښکاره کړی وو، ځکه چې د چین نه راوړونکو ۷۵٪ درامداتو باندې هیڅ کوم ټیکس نه وو لګول شوی.
د دې نه وړاندې د ایف ټي ای لومړۍ پریکړه کې د پاکستان لخواپه چیناييدرامداتو باندې ۳۵٪ ټیکسونه معاف کړی شوي وو چې له کبله يې په پاکستان کې یو شمیر ځايي صنعتونه د سخت اقتصادي زیانونو سره مخ شوي وو.
د پاکستان او افغانستان د تجارتونو د ګډ سازمان یا چېمبر اف کامرس مشر انجېنير دارو خان د دواړه هیوادونو تر مېنځه شوې د ازاد تجارت لوظنامو په اړه وي او ای ډیوه ته وايي دغه د پاکستان لپاره تاواني او یو اړخیزه دي.
ښاغلی دارو خان زیاتوي: ٫٫ د اېف ټي ای تر مخه شوې وړاندینۍ لوظنامو کې د پاکستان هیڅ ګټه نشته، ټوله ګټه د چین په برخه کې رسیدلې. پکار ده پاکستان دغه لوظنامو ته بیا کتنه وکړي او پخوانۍ ټولې لوظنامې ختمې کړي.٬٬
د پاکستاني مطبوعاتو تر مخه د دغه هیواد د خزانې وزير ویلي په دويم پړاو کې د چين لخوا شوې غوښتنې د پاکستان صنعتونو لخوا نه شوې منل کيدې او د قامي اسمبلۍ د مالي چارو قاېمه کميټۍ يو غړی قيصر احمد شيخ وايي: ٫٫ سياسی چارواکي ګڼي چې دوي په هر اړخ پوهه دي، خو په حقيقت کې د دوي خوښه کړې شوې لار د پاکستان د اقتصاد راتلونکي ته لوې تاوان رسوي. او په کوم ډول چې پاکستان د چين تجارت ته مراعات ورکړي که دا دوام اولري، نو د دغه هیواد ځايي صنعتونه به له منځه لاړ شي.٬٬
د چين او پاکستان تر منځ د ازاد تجارت لومړې پريکړه په کال ٢٠٠٨ کې شوې وه. د دواړه هیوادونو تجارتي حجم د تیر کال راهسې د ۴ بيلينه نه ١٥.٦ بيلينه پورې اضافه ليدلې. د چين رسمي شميرو تر مخه د پاکستان نه چين ته د ١.٥ بيلينه ډالره سادرات ليګل شوي او په مقابله کې چین پاکستان ته ١۴ بيلينه ډالره واردات کړي.
