د پاکستان کرکټ بورډ د اسټریلیا او د ټونټي ټونټي یا د شلو اورونو نړیوال کپ لپاره د کرکټ ټيم اعلان کړى دى.
د نهې په ورځ په لاهور کې د پاکستان کرکټ بورډ د غونډې وروسته د د ټيم د لوبغاړو د نومونو اعلان وکړې شو.
وکټ کېپر کامران اکمل ، عبدالرزاق او تېز باولر محمد سمیع هم ټیم کې شامل کړې شوي دي. د بورډ فېصلې ترمخه محمد حفیظ به د کال تر اخر پورې د ټي ټونټي ټیم کپتان وي.
د ټیم په نورو لوبغاړو کې عمران نذیر، ناصر جمشید ، اسد شفېق، شعېب ملک، شاهد افریدی، یاسر عرفات، سهېل تنویر، عمر گل، سعید اجمل او حسن رضا شامل دي.
د اسټریلیا پرضد د ټي ټونټي مېچونو سریز لمړی مېچ به د سېپټمبر په پېنځه نېټه دبۍ کې کېږي. نړیوال د ټونټي ټونټي کپ به په سېټمبر په میاشت کې سری لنکا کې کېږي.
1
