په بنګله دېش کې سږ کال د ډېنګي مرض نه د مړه شویو کسانو شمېره ۳۶۴ ته رسېدلې ده او د سږ ۲۰۲۳ د جنورۍ د میاشت راهسې ۷۸۰۰۰ کسان ډینکې مریضان کړي دي.
چارواکي خبرداری کوي چې ډېنګی نه د خلکو د مړینې شمېره نوره هم زیاتېدلی شي.
د بنګله دېش د ډرېکټرېټ جنرل اف هېلت سروسز وویل چې د میاشي دلارې خپرېدونکي ناورغۍ ډېنګي نه ۳۶۴ کسان مړه شوي تر ۷۸۰۰۰ پورې کسان په دې مرض اخته شوي دي.
چارواکو خبرداری کړی چې د اګست په میاشت کې ډېنګي نه خلکو د مړينې شمېره د رېکارډ حد پورې زیاتېدلی شی. په اګست کې تر اوسه پورې ۱۰۰ کسان د ډېنګي نه مړه شوي دي او د دې میاشت په وړمبو لسو ورځو کې ډېنګي تر ۲۳۰۰۰ کسان ناروغه کړي دي. د جولای په ټوله میاشت کې ۴۳۸۵۴ د ډېنګي ناروغۍ رپورټ شوې وې.
په کال ۲۰۲۲ کې په بنګله دېش کې ۶۲۳۸۲ کسان ډېنګي ناروغه کړي او دغه کال په هېواد کې ډېنګي نه د خلکو د مړیني شمېره ۲۸۱ وه.
د دېنګي علامات د عامې فلو په شان او اکثر خلک ترې صحت یاب شي خو کله کله ترې د انسان په بدن کې دننه وینا شروع شي، اعضا کار پرېږدي او د انسان مرګ ترې وشي.
که څه هم دېنګي څه مخصوص علاج نه لري خو د دې مرض خلاف وېکسین شته.د بنګله دېش نه علاوه په سایپرېس او د لاطیني امریکې بولویا کې هم سږ کال د ډېنګي وبا خپره شوې ده.
ماهرین وايي د پشکال د موسم بارانونه د ۱۶۰ مېلین ابادۍ ملک بنګله دېش کې د ډېنګي صورتحال نور خرابولی شو.
د اګست په میاشت کې د پشکال بارانونه ډېنګي په خپرېدو کې مرسته کړې ده، ماهرین وايي.
ډېنګي د زیاتېدونکو مریضانو دپاره د صحت وزارت په سرکاري هسپتالونو کې د اضافي بسترو او نورو ضروري سهولتونو بندوبست کړی دی خو د ډرېپونو کمی دی او چارواکو د ايي وي ډرېپونو جوړونکو ته ویلي چې پېداوار یا تولید یې زیات کړي.
د بنګله دېش په سرښار ډهاکه چې چارواکو د میاشو او د ولاړو اوبو د لرې کولو دپاره هلې ځلې شروع کړي دي. ماهرین وايي میاشې په ولاړو اوبو کې افزایش کوي.
یادونه: د دې خبر معلومات د اېسوسي اېټېډ پرېس خبري ادارې نه اخیستل شوي دي
Forum