په ډېنمارک کې حکومتي وکیل د جمعې په ورځ وویل د ترهګرۍ په لړ کې د تحقیقاتو په مهال دوه کسان نیول شوي او څلور نور د پلټونو دلاندې دي او په هالېنډ کې یو تن او په جرمني کې ګڼ شمېر کسان حماس سره د تعلق په شک کې نیول شوي دي.
که څه هم ډېنمارک د نیول شویو کسانو په اړه څه نه دي ویلي چې آیا تعلق یې د حماس سره دی او که نا؟ خو په جرمني کې چارواکو ویلي هلته نیول شویو دریو کسانو په یورپ کې د یهودي تنظیمونو خلاف د حملو تیار کولو.
د ډېنمارک چارواکو وویل یو کس په نېډرلېنډ یا هالېنډ کې نیول شوی دی خو دا واضحه نه وه چې ایا دغه ګرفتاري په جرمني کې د حماس په اړه د تحقیقاتو سره تړون لري او که نا؟
په ډېنمارک کې نیول شوي دوه کسان به د مقدمې د شروع کېدو نه مخکې تر جنورۍ د نهمې نېټې په حراست کوي. د څلورو نورو کسانو درک نه معلوم او نه هم دا معلومه وه چې ایا لټون یې کولی شي او که نا؟
د زیارت، پنجشنبې، په ورځ د ډېنمارک استخباراتي ادارې پي ايي ټي د دریو کسانو د ګرفتارولو اعلان وکړو چې په مبینه توګه یې د ترهګرۍ سازش کولو. حکومتي وکیل اېنډرېس لارنس د جمعې په ورځوویل یو تن په عدالت کې د اورونې وروسته ازاد کړی شو. هغه دا و نه وېل چې ایا ازاد شوی تن اوس هم مشکوک دی او که نا؟
لارنس وویل د نورو څلورو کسانو درک نه دی معلوم خو هغه د دې خبرې تصدیق وکړو چې څوک مفرور شته.
د جرمني سرکاري وکیلان وايي د زیارت، پنجشنبې، په ورځ نیول شویو کسانو ته دا کار سپارل شوی وو چې په يورپ کې وړاندې محفوظ شوي حماس د وسلو ذخیره معلومه کړي.
د سرکاري وکیلانو په خبره دغه وسله به برلن ته وړل کېده چې په یورپ کې د یهودي ادارې خلاف حملو دپاره تیاره وساتل شي. درې کسان په برلن کې او یو تن د هالېنډ په ساحلي ښار روټرډېم کې نیول شوی دی.
جرمن چارواکي وايي په جرمني کې ګرفتار شوي درې واړه کسان د حماس زاړه غړي دي او د حماس په غېرملکي عملیاتو کې یې برخه اخیستې ده. چارواکی وايي مشکوک سان د حماس د عسکري څانګې د مشرانو سره تړون لري. امریکې او یورپین یونین حماس ترهګر تنظیم بللی دی.
په سمدستي ډول دا نه ده معلومه چې ایا په ډېنمارک اوپه جرمني کې د مشکوکو کسانو ګرفتارۍ د یو بل سره څه او څنګه تړون لري؟
د دې میاشت په شروع کې د یورپين یونین د داخلې چارو کمشنر یلاوا جانسن خبردار وکړو چې د اسرایل او د حماس د جنګ په مهال د کرسمس په موقع په یورپ کې د ترهګرۍ د حملو خطر زیات شوی دی.
Forum