لاس رسیدونکی لینک

تازه خبر

پوهان: د مستقل خریدارانو باوجود د چین د وسلې خرڅلاو کم شوی


د ادارې ترمخه په د 2016-2020 په مهال د چین د وسلې د صادراتو 60 فیصد برخه الجیریا، بنګله دېش او پاکستان ته تلله. یوازې د پاکستان برخه پکې 38 فیصد وه. پاکستان وايي جی ایف 17 تنډر نومې جهاز چین سره په شریکه تیاروي
د ادارې ترمخه په د 2016-2020 په مهال د چین د وسلې د صادراتو 60 فیصد برخه الجیریا، بنګله دېش او پاکستان ته تلله. یوازې د پاکستان برخه پکې 38 فیصد وه. پاکستان وايي جی ایف 17 تنډر نومې جهاز چین سره په شریکه تیاروي

د دې باوجود چې چین مستقل خریداران لري، په نړیواله کچه د چین د وسلې په خرڅلاو کې کمی لیدل کېږي او پوهان وايي دا ځکه چې د چین وسله په جنګ کې ډیره نه ده ازمول شوې او د چین نه وسله اخیستل د خریدارانو دپاره خفیه قیمت هم لري او سیاسي شرایط هم ورسره تړل شوي وي.

د وي او ای رپورټ د سټاک هوم د انټرنېشنل پیس ريسرچ انسټېټیوټ د شمېرو په بنیاد وايي چې د مخکینو پېنځو کلونو په مقابل کې د 2016-2020 په موده کې د چین د وسلې په خرڅلاو کې اووه اشاریه اته فیصد کمی شوی واو که په نړیواله کچه وکتل شي نو د چین د وسلې په صادراتو یا اېکسپورټس کې تر د پنېځه اشاریه شپږ فیصد کمی شوی دی.

چین هر کال د دریو نه تر د څلور بېلین ډالرو مالیت وسله اېکسپورټ کوي. دا خبره په سېنګاپور کې د اېس راجارتنم سکول اف انټرنېشنل سټډیز څېړونکي رېچرډ بېټزنجر کوي.

د دغې یونیورسټۍ په سمندر د امنیت د چارو کارپوهه کالن کوه وايي د نورو ملکونو په مقابل کې د چین وسله ارزانه وي خو د دې مرمت او ساتنه د نورو په مقابل کې د مصرف په لحاظ زیاته قیمتي وي.

هغه وویل په جنګ کې د نه ازمول کېدو په سبب ډیر خریداران په دې اړه سوچ کوي چې د چین جوړه وسله به څومره موثره وي. د امریکې جوړې ځینې وسلې په جنګ کې ازمول شوي او په خریدارانو کې ښه نوم لري.

کوه وايي تر ټولو لویه مسله د "مېډ اېن چاینا" لېبل یا عنوان دی چې د چین د وسلې په خرڅلاو کې د کمي یو سبب لیدل کېږي. هغه زیاته وي د "مېډ اېن چاینا" دا "سټېګما" یا بدنامي یوازې د وسلې سره نا بلکې د چین نورو مصنوعاتو سره هم تړلې ده.

د سټاک هوم انټرنېشنل پیس ريسرچ انسټېټیوټ وايي د 2019-2020 په مهال چین د امریکې، روس او فرانس نه پس د وسلې صادرونکی څلورو لوی هېواد و.

د ادارې ترمخه په د 2016-2020 په مهال د چین د وسلې د صادراتو 60 فیصد برخه الجیریا، بنګله دېش او پاکستان ته تلله. یوازې د پاکستان برخه پکې 38 فیصد وه.

څېړونکي وايي چین د وسلې جوړولو دپاره مضبوطه بنیادي اډاڼه او د ډرون جوړولو بهترینه ټېکنالوجي لري او د وسلې جوړولو طریقې یې د روس نه زدکړي دي. څېړونکي کوه وايي د سمندري جهازونو تیارولو موقعې هم لري.

چین په افریقا، منځني ختیځ، جنوبي اېشیا او لاطیني امریکې کې د وسلې مستقل خریداران لري او د څېړونکوي په قول هغه ملکونه چې د امریکې سره سیاسي مسلې لري د وسلې ضرورت پوره کولو دپاره د چین مخه کوي.

امریکايي څېړونکی ډېنیل کی وايي چین په هره سیمه کې خریداران لټوي او د وسله په ټېکنالوجۍ کې یې ښه پرمختګ هم کړی دی، د وسلو قیمت یې کم دی نو ځکه ډیر ملکونه د چین جورې وسلې کې دلچسپي لري.

څېړونکي وایي چې چین نه د وسلې اخیستونکي زیاتره ملکونه د وسلې په اړه څه شکایت نه کوي خو بیا هم کله نه کله تاوتریخوالی رامنځته شي.

دوه کاله وړاندې د اردن هوايي ځواک د چین شپږ د چین جوړ سي اې فور بي نومې ډرون د خرڅ دپاره وړاندې کړل او د جهاز رانۍ د خبرونو وېب پانې اورټ ډیفېنس وویل داسې ښکاریده چې اردنیان د ډرون د کارکردګۍ نه مطمین نه وو.

د اېس راجارتنم سکول اف انټرنېشنل سټډیز څېړونکي رېچرډ بېټزنجر وايي په عمومي توګه د چین وسله سم کار کوي خو کارکردګي یې د امریکايي وسله په شان بیا هم نه وي.

چاینا ډېلي ورځپاڼه وايي چین اوس مهال تیار دی د ابدوز نه چلېدونکی د اواز د رفتار نه د تېز تلونکي مزایل صادرات هم شروع کړي. رپورټ وايي دغه مزایل د چین په قوي ترینو وسلو کې شمارل کېږي.

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:58 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG