لاس رسیدونکی لینک

تازه خبر

د پاکستان انتخابي کمېشن: سپریم کوټ د انتخاباتو نېټه ټاکلی نه شي


د پاکستان سپریم کوټ په پنجاب صوبه کې په ۱۴مه مۍ د انتخابونو کولو د فیصلې پر ضد د انتخابي کمېشن خواست نن په لومړي ځل واورېدلو خو د یوې ورځې بحث وروسته یې په دغه خواست نور بحث د مۍ په ۲۳ مه د اورېدلو امر کړی دی
د پاکستان سپریم کوټ په پنجاب صوبه کې په ۱۴مه مۍ د انتخابونو کولو د فیصلې پر ضد د انتخابي کمېشن خواست نن په لومړي ځل واورېدلو خو د یوې ورځې بحث وروسته یې په دغه خواست نور بحث د مۍ په ۲۳ مه د اورېدلو امر کړی دی

د پاکستان انتخابي کمېشن نن د سپریم کوټ د درې کسیزه قاضیانو عدالت ته ووېل چې د انتخابونو لپاره د نېټې ټاکل د سپرېم کوټ کار نه دی.

د انتخابي کمېشن یو بیان وايي چې د ایین (اساسي قانون) تر مخه، دا اختیار ( د ټاکنو د نېټې ټاکل) د بل چا سره دی او بې شکه سپریم کوټ دغه اختیار نه لري.

په پاکستان کې د روان سیاسي اړي ګړي لپاره حکومتي او مخالف ګوندونه د یو بل نه علاوه، حکومتي ادارو لکه، پوځ، او سپریم کوټ باندې د طرفدارۍ او په ګډوډۍ کې د رول لوبولو تورونه پورې کوي.

د پاکستان سپریم کوټ په پنجاب صوبه کې په ۱۴مه مۍ د انتخابونو کولو د فیصلې پر ضد د انتخابي کمېشن خواست نن په لومړي ځل واورېدلو خو د یوې ورځې بحث وروسته یې په دغه خواست نور بحث د مۍ په ۲۳ مه د اورېدلو امر کړی دی.

د انتخابي کمېشن خواست اورېدو په وخت مشر قاضي عطا بندیال ووېل چې کمېشن پخوا د ټاکنو نه کولو لپاره د پیسو د نشتوالي او امنیت دلیل ورکوو خو نن یې د عدالت په اختیار پو ښتنه کړې ده.

عدالت ته د مخالف ډلې پي ټي ای وکیل علي ظفر ووېل چې کمېشن په خپل لومړي ورکړل شوي خواست کې نوې خبرې زیاتولی نه شي.

په پاکستان کې د مۍ ۱۴مه پرون تېره شوه خو په پنجاب کې ټاکنې نه دي شوي. په نورو ټکو کې حکومت د سپریم کوټ حکم پر ځای کړی نه دی.

د پاکستان حکومتي اېتلاف د سپریم کوټ په وروستیو یو شمېر فیصلو نیوکې کوي او تور پورې کوي چې په عدلیه (قضاییه) کې ځېني "هم خیال" قاضیان پرله پسې د پخواني وزیر اعظم عمران خان په حق کې پرېکړې کوي.

حکومتي ګوندونو د اعلا عدلیې پر ضد نن په اسلام اباد کې سپریم کوټ ودانۍ مخې ته مظاهره هم کوي. د دوی مشرانو تر اوسه په خپلو ویناو کې په مشر قاضي او سپریم کوټ سختې نیوکې کړي.

د واکمن ګوند مسلم لیګ مرستیالې مشرې مریم نواز ناستو پلویانو ته ویلي، نن پوځ د ډېموکراسۍ او ایین سره ولاړ دی خو بل لور ته په هېواد کې عدالتي مارشل لا ده.

حکومتي ګوندونو د انتخاباتو په اړه د سپریم کوټ نه د ټول کسیزه قاضیانو د عدالت (بېنچ) غوښتنه کوله خو مشر قاضي ورسره دغه خواست ونه منلو.

د انتخابي کمېشن خواست هغه درې قاضیان ( مشر قاضي عطا بندیال، اعجاز الحسن او منیب اختر) اوري کومو چې په پنجاب کې د مۍ په ۱۴مه د انتخاباتو کولو امر کړی کړی وو.

یادو قاضیانو او ځینو نورو لپاره اوس په مېډیا کې د "هم خیال" توری کارول کېږي. پاکستان کې ځېني وکیلان د مشر قاضي د قضیې اورېدلو لپاره د ججانو د انتخاب په عمل او اختیار هم نیوکې کوي.

بې طرفه وکیلان د دې یو مثال دا هم ورکوي چې ولې په مشر قاضي پسې تر ټولو زیاتې مودې پورې د قاضي په کرسۍ ناست قاضي، قاضي فایز عیسا د مهمو مقدمو (قضیو) اورونې لپاره نه غوښتل کېږي.

په نړۍ کې د عدل څارلو د ادارې، ولډ جسټس پراجېکټ وروستي حساب تر مخه پاکستان د ۱۴۰ ملکونو په فهرست کې په ۱۲۹م مقام کې دی. او په جنوبي اېشیا کې په پینځم مقام دی. نيپال په ۶۹، ورپسې سري لنکا او هندوستان دي.

د ولډ جسټس پراجېکټ تر مخه په جنوبي اېشیا کې تر ټولو کم عدل ( یا په قانون کې د هر سړي برابروالی) په بنګله دېش، پاکستان او افغانستان کې دی. او دا درې واړه اسلامي هېوادونه دي.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG