لاس رسیدونکی لینک

Breaking News

مهاجرینو په مسله د ترکي او یورپي یونین موافقه


مغدونیه یونان سره خپل سرحد تړلی دی چې دا رنگ هیواد ته د کډوالو د راتگ مخه ونیسي

د مهاجرینو په مسله ترکي او د یورپي هیوادونو اتحاد، یورپین یونین، یوې لوظنامې ته رسیدلې دي.

د مطبوعاتي رپورټونو ترمخه، ترکي به هغه ټول مهاجرین بیرته په خپله خاوره ځایه وي چې ترکي د لارې یورپ ته داخل شوي دي.

په بدل کې یورپي هیوادونه په اصولي توگه د انقره د دې غوښتنو سره اتفاق کړی دی چې ترکي سره به اضافي مالي امداد کوي، یورپي یونین کې ترکي د رکنیت دپاره مذاکرات به په چټکتیه کولی شي او یورپي هیوادونو کې د ترکي شهریانو ته بغیر د ویزې په ازادۍ د سفر کولو اجازه ورکړی کیږي.

خو د ملگرو ملتونو د مهاجرینو ادارې یو این ایچ سي ار ترکي او د یورپين یونین د مفاهمت غندنه کړې ده.

د یورپي سیمي دپاره د یو این ایچ سي ار مامور وینسټ کوچیټیل ویلي په اجتماعي توگه مهاجرین ترکي بیرته لیږل کډوال د یورپی او نړي والو قوانینو دلاندې تحفظ غوښتنو د حق نه محرومه کوي.

د رائټرز خبري ادارې د رپورټ ترمخه، ښاغلي کوچیټیل په جنیوا، سویټرزلینډ کې خبری کانفرنس ته وویل که چري یورپي هیوادونه په اجتماعي توگه خارجیان د خپلو سرحدونو نه وباسي نو دا به د انساني حقوقو په اړه خپله د یورپي قوانینو خلاف ورزي وي. هغه وویل دغه اقدام به د نړي والو قوانینو خلاف ورزي هم وي.

کوچیټیل ویل تیر کال د سپټمبر په میاشت کې یورپي هیوادونه په دي خبره متفق شوي وو چې یونان کې موجود شپږ شپیته زره مهاجرین به د یورپ په نورو ملکونو کې ځایه ولی شي خو په دغه شمیره کې یوازې شپږ سوو کډوالو ته نورو هیوادونو کې پناه ورکړی شوي ده. هغه ترکي سره د یورپین یونین د معاهدې د عملي کیدو په اړه د خپلو تحفظاتو څرگندونه وکړه.

ترکي د شام ٣٠ لکه مهاجرینو ته پناه ورکړې ده. خو کوچیټیل وویل ترکي د افغانسان او د عراق نه یوازې درې فیصد کډوالو ته ځائې ورکړی دی.

XS
SM
MD
LG