لاس رسیدونکی لینک

Breaking News

په مالي کې د القاعده یو کمانډر سره د څلورو نورو کسانو وژل شوی دی


په مغربي افریقا کې د تندروۍ مخه نیولو په خاطر فرانس په مالي کې د زرګونو په شمېر کې خپل عسکر پرځای کړي دي

د فرانس ځکمني او هوايي ځواکونو په مالي کې د القاعده یو اهم کمانډر سره د څلورو نورو کسانو وژلی دی. دا خبره د فرانس پوخ د جمعې په ورځ وکړه.

د اېسوسي اېټېډپرېس خبري ادارې ترمخه د فرانس پوځ وویل د نهې، سه شنبې، په ورځ شویو عملیاتو هدف باه اه موسا و چې د ملګرو ملتونو د بندیزونو په فهرست کې یې هم نوم شامل و او د مالي او په نړیوالو ځواکونو په حملو کې ککړ و. دا خبره د فرانس پوځي ترجمان فرېډرېک باربري د جمعې په ورځ خبریالانو ته وکړه.

باربري وویل په مالي کې څارنه کوونکو ډرون جهازونو د موسا ټرک په معلوموولو کې مرسته وکړه. د دې وروسته هېلې کاپټرو او د فرانس ۱۵ کمانډو ځواکونو په ټرک حمله وکړه. په ټرک کې سور موسا او څلور نور کسان ووژل شوو.

د فرانس د دفاع وزارت وویل موسا په مالي کې د جهادیانو د جلب او د تربيي مشر و .

په مغربي افریقا کې د تندروۍ مخه نیولو په خاطر فرانس په مالي کې د زرګونو په شمېر کې خپل عسکر پرځای کړي دي.

فرانس په مالي کې د القاعده کمانډر د وژلو خبره په پیرس کې د یوې حملې پنځه کاله پوره کېدو په موقع کړې ده. د پېرس په یو کانسرټ هال، کېفیانو او سټېډیم د وسله والو په حمله کې ۱۳۰ کسان وژل شوي دي.

XS
SM
MD
LG