د جي سېون تنظیم د رکن ملکونو خارجه وزیرانو د ګل، دوشنبې، په ورځ په روس غږ وکړو چې اوکراین نه دې خپل ځواکونه ستانه کړي او ژمنه يې وکړه چې په روس لګول شوي اقتصادي پابندیو د سختولو په لړ کې به د یو بل سره همکاري کوي.
د جي سېون ملکونو خارجه وزیرانو په جاپان کې غونډه وکړه.
د جاپان خارجه وزیرات د غونډې په اړه بیان شایع کړو چې په کې وغوښتل شول چې روس دې په بېړنۍ توګه او بغیر د څه شرط خپل ځواکونه او پوځي ساز اوسامان د اوکراین نه وباسي.
د جاپان خارجه وزیرهیاشي یوشيماسا په دې خبره ټینګار وکړو چې په روس بندیزونه عملي کولو په لړ کې ضروري ده اتحادي ملکونو خپل منځو کې متحد وسي.
د جي سېون خارجه وزیرانو د روس صدر ولادېمېر پوټن د تېرې میاشتې د دې اعلان غندنه وکړه چې روس به په بېلاروس کې ټېکټیکل یا په وړه کچه چلېدونکي اېټمي وسلې وګماري.
د جي سېون بیان وویل د صدر پوټن اېټي بیان بازي غیر ذمه وارانه او د قبلولو وړ نه ده.
د روس په شمول جي سېون تنظیم پخوا جي جي اېټ و خو په کال ۲۰۱۴ کې چې روس د کرایمیا سیمه ونیوله او ضم یې کړه نو د تنظیم نه وویستل شو او دا ډول جي اېټ جي سېون ایا د اتوو په ځای د اووه ملکونو تنظیم پاتې شو.
د ګل، دوشنبې، په ورځ د روس وتلي مخالف ولادېمېر کارا مورزا ته د بغاوت په الزام ۲۵ کاله د قېدا سزا ورکړه. هغه په اوکراین د روس د یرغل مخالف دی.
یادونه: د دې خبر معلومات د ای پي، روېټرز او ای اېف پي خبري ادارو نه اخیستل شوي دي
