لاس رسیدونکی لینک

Breaking News

عمران خان ته د بهر ملکي ډالیو په اړه معلومات حکومت عدالت ته نه ورکوي


په اسلام اباد هايي‌ کورټ کې د عمران خان د ډالیو د مقدمې اورونه په داسې وخت کېږي چى د حکومت مخالف ګوند پيبلز ګوند د پخواني وزير اعظم يوسف رضا ګيلانې په ضد د "توشه خانې" ډالۍ په مبینه توګه په غير قانونى ډول د جاري کوولو په سر مقدمه چلېږي

د اسلام اباد هاي کورټ ناخوښي څرګنده کړې چې مرکزي حکومت ورته وزير اعظم عمران خان ته په تېرو دریو کلونو کې د بهرونو ملکونو د ډالیو په اړه د معلوماتو ورکولو نه انکار کړی دی.

د عدالت جج ویلي نه پوهېږي چې وزیراعظم ته ورکړی شوي دا کومې ډالۍ دي چى د بل ملک سره د پاکستان اړيکو ته زيان رسوولى شي.

په پاکستان کى معلوماتو د رساى خپلواکه کميشن امر کړی چې عمران خان ته په تيرو دریو کلونو کې چې د بهر ملکونو مشرانو کومې تحفې یا ډالۍ ورکړي وفاقي حکومت دې په اړه معلومات شریک کړي.

مرکزې حکومت د کميشن د دغې امر په ضد اسلام اباد هايي کورټ ته خواست کړی دی.

د شورو، چهارشنبې، په ورځ په عدالت کې د حکومت خواست د اوريدنې په مهال حکومتي وکیل عمران خان ته د ورکړی شویو ډالو تفصيلات د جاري کوولو مخالفت وکړو.

د سرکاري وکیل دریځ و چې دغه معلومات څرګندولو سره د پاکستان د ځینو هيوادونو سره اړيکو ته زيان رسيدلى شي.

د مقدمې اوريدونکي جج یا قاضي جسټس ميان ګل حسن اورنګزيب د حکومت په دغه دریځ وويل که د يو بهرني هيواد مشر پاکستان ته يورنييم ورکړى وي نو بیا خو دا د قامې سلامتيا معامله ګڼل کېدی شي خو نورې کومې داسې ډالۍ دي چى په اړه یې د معلوماتو څرګندېدو سره د پاکستان مفاداتو ته زيان رسيدلى شي؟

د جسټس اورنګزيب وينا وه د نورو هيوادونو مشران داسې ډالۍ په عجایب خانو کى ساتي خو نه پوهېږي د پاکستان حکومت د دغه ډالو په تفصيلاتو څرګندولو ولې شرمېږي؟

عدالت حکومت ته په توشه خانه کى د بهر ملکي مشران ډالو ماليت د امعلومولو حکم هم ورکړی دى او حکومتي څارنوال په خواست یې د قضيي اوريدنه د يوې هفتې پورې وځنډوله.

وتلى خبريال او څيړونکى مظهرعباس د عمران خان د ډالو په معامله د حکومت په دريځ نېکوکې کوي.

مظهر عباس وايي که د حکومت څه مجبوري وي او د هيوادونو نومونه نه شي اخیستلى خو د ډالیو تفصيلات دې عام کړي.

د مظهر عباس په قول که چېرې حکومت په دې اړه معلومات د څرګندولو نه ډډه کوي نو دا تاثر به وده مومي چې د بهر ملکونو نه وزیراعظم چې ډالۍ اخیستې دي په دې کې بې ضابتګۍ يا غبن شوی دی او حکومت یې پټوول غواړي.

په اسلام اباد هايي‌ کورټ کې د عمران خان د ډالیو د مقدمې اورونه په داسې وخت کېږي چى د حکومت مخالف ګوند پيبلز ګوند د پخواني وزير اعظم يوسف رضا ګيلانې په ضد د "توشه خانې" ډالۍ په مبینه توګه په غير قانونى ډول د جاري کوولو په سر مقدمه چلېږي.

په ګيلاني باندى تور دى چى کله وزير اعظم و نو د توشه خانې قيمتي موترې یې د خپل مالیت په ځاي صرف په ١٥ فيصدي قېمت په نواز شريف او زرداري خرڅې کړي دي.

د وزیراعظم عمران خان مخالف ګوندونه وايي عمران خان او نېب د دوی په ضد په سیاسي بنیادونو د بدعنوانۍ مقمدمې جوړې کړي خو نېب دا خبرې ردوي.

توشه خانه څه ته وايي او پاکستاني چارواکو ته د بهرملکي ډالیو په اړه د پاکستان د انتخاباتو کمېشن پخوانی سېکرېټري او ریټایرډ سرکاري افسر کنور دلشاد وايي کله چې صدر یا وزیراعظم ته بهر ملک ډالۍ ورکړي نو دا د دوی شخصي ملکیت نه وي بلکې دا د ریاست امانت وي.

د وي او ای ډیوه سره خبرو کې کنور دلشاد وویل توشه خانه د وفاقي حکومت هغه اداره ده چې پاکستاني چارواکو ته د بهر ملکونو تحفې یا ډالۍ پکې ساتل کېږي.


XS
SM
MD
LG