په هند کې په سرنګ کې ګېر ۴۱ کسان ۱۷ ورځې وروسته راوویستل شوو

امدادي کارکوونکو د هندوستان په اوتراکهنډ ریاست کې هغه ۴۱ کسان په حفاظت راوویستل چې ۱۷ ورځې مخکې په یو سرنګ کې ګېر شوي وو.

ژغورل شویو کارکونکو د سرنګ په جوړولو کار کولو چې د نومبر په ۱۲ نېټه په سرنګ کې کمر د نړېدو له امله ګېر شول.

امدادي کارکوونکو په لاسونو د سرنګ غورځېدلي برخه د لرې کولو کوښښونه کول او باالاخر ګېر کسانو ته ور ورسېدل.

ګېرو کسانو سره اول د رېډیو او بیا د کېمرې په زریعه رابطه ساتل شوې وه. سرنګ ته کمېره یو يایپ د لارې د تېرې نهې، سه شنبې، په ورځ رسوول شوې وه. هم د دغه پایپ په زریعه به ګېر کسانو ته خوراک او اکسيجن ورکول کېدو.

چارواکو نه دي ویلي چې د تعمیر دلاندې سرنګ په جزوي توګه د غورځېدو سبب څه و؟

دغه سرنګ د یو اشاریه پينځه بېلین ډالرو مالیت د هغه لوی لارې یا های وی برخه ده چې په اوتراکهنډ ریاست کې اهمو هندو زیارتونو ته د تګ لار بهتر کول دي. رپورټونه وايي سرنګ د کمر نړېدو له امله بند شوی و.