فلسطيني مسلح ډلې ویلي اسرایل سره د ډز بندۍ تجویز يې منلی دی.
حماس د ګل، دوشنبې، په ورځ په یو بیان کې وویل د اوربند دپاره د مصر او قطر مشترکه تجویز مني. په قاهره کې مرکچیانو د ډېر وخت راهسې کوښښونه کول چې د اسرایل او حماس په جنګ په عارضي ډول اوربند وشي او په مهال يې د حماس په ولکه کې یرغمال کسان ازاد کړی شي.
اسرایل لا د حماس د اور بند منلو تصدیق نه دی کړی خو د ګل، دوشبې، په ورځ يې د رفح ښار په مشرقي برخو کې خلکو ته د خان یونس په شمول نورو ځایونو ته د تګ امر کړی دی. داسې ګڼل کېږي چې اسرایل په رفح کې د پوځي عملیاتو تیاری کوي.
د اسرایلي، ايي ډي اېف، ترجمان (نې) په عربۍ ژبه کې په اېکس وویل اسرایلي ځواکونه به په رفح کې د ترهګر تنظیمونو سخت ګامونه اخلي او کوم خلک چې په سیمه کې پاتې کېږي ژوندونه به په خطر کې اچوي.
ترجمان وویل اسرایل په محدوده کچه په رفح کې د عملیاتو تیاری کوي.
Forum