لاس رسیدونکی لینک

Breaking News

اېچ ار سي پي د پي ټي اېم د مشرانو پرضد ریاستي ګامونه غیرقانونه بللي


د پاکستان د بشري حقونو کمېشن (هيومن راېټس کمېشن اف پاکستان) د خېبر پښتونخوا صوابې (سوابۍ) ضلعي انتظاميې له خوا د پښتون ژغورنې غورځنګ د مشرانو پرضد د مقدمو درج کولو او د هغوي د ګرفتارې وارنټ جاري کول غیرقانونه او بې انصافه بللي.

ادارې ویلي د هېواد اساسي قانون هر وګړې او ډلې ته د راېې د ویناازادۍ او د جلسو جلوسونو حق ورکوي او بايد چې د غورځنګ د مشرانو پرضد لومړی په عدالت کې چالان وړاندې شي.

د خيبر پښتونخوا د صوابې ضلعې پوليسو تیره (خالي/ شنبې) په ورځ د پښتون ژغورنې غورځنګ لخوا د تیرې میاشتې په ۱۲مې نېټه په سوابۍ کې د جلسې کولو پر سر مقدمه درج کړې او هم تیره ورځ يې د غورځنګ د یو شمیر مشرانو د نیولو یا ګرفتارۍ وارنټونه هم جاري کړي.

PTM Arrest Warrants
PTM Arrest Warrants

د بشري حقونو د سازمان مشر ډاکټر مهدي حسن وي او ای ډیوه ته ویلي پښتنو ته د خپلو رايو یا وینا او غوښتنو حق نه ورکول او د هغوي زورول به د رياست لپاره خطرناکې پايلي یا نتېجې ولري. داکټر مهدي حسن وايي:

٫٫ دا عمل به ډيرې خطرناکې نتيجې ولري. د غورځنګ هغه ملګرې چې د هېواد د اليکټرانکي جرمونو (ساېبر کراېمز) د مخنیوي د قانون لاندې په ځندانونو کې دي، نوغورځنګ کولې شي د ايچ ار سي پي سره خپل شکايتونه په ليکلي بڼه شريک کړي.٬٬

د سوابۍ پوليسو د غورځنګ په مشرانو د رياست او پوځ پرضد د کرکې او راپارونکو تقريرونو تورونه لګولي خو د غورځنګ مشرانو د پوليسو لخوا په (ايف ايي ار) یا رپورټ کې لګول شوي تورونه رد کړي.

د پاکستان د بشري حقونو خپلواکه کميشن (اېچ ار سي پي) د ضلعي انتظاميې د دغه ګام په ځواب کې ويلي د پاکستان اساسي قانون د هیواد هر وګړي او ټولګي ته د وینا د ازادۍ، جلسو جلوسونو او د رياست نه د ګيلو او مطالبو حق ورکوي.

اېچ ار سي پي په خپل بیان کې ویلي که د غورځنګ د مشرانو پرضد مقدمه درج شوې وي نو بايد چې په سمدستي ډول انتظاميه عدالت ته چالان وړاندې کړي او د دغې وړاندې څوک وه نه نیول شي. ادارې ویلي تر څو چې دغه لانجه په عدالت کې وي او فيصله يې نه وي شوي نو حکومت د غورځنګ د مشرانو پرضد د څه قسمه ګامونو حق نه لري.

د پښتون ژغورنې غورځنګ يو مشر او د پاکستان د پارليمان غړي محسن داوړ غړو پرضد مقدمه د حکومت لخوا په تحریک فشار اچولو يو چال بللی او زیاتوي د پاکستان د قانون لاندې به د دغه مقدمۍ مخه نیسي.

پښتنون تحفظ مومنټ په پاکستان کې د پښتنو د حقونو د خوندیتوب لپاره کار کوي خو د دغه تحرکی مخالفین تور لګوي چې دوي د پاکستان رياست او امنيتي ادارې د پښتنو د حقونو د سرغړونو او د عدالت پرته د وژلو بې ځايه تورونه لګوي.

د پښتون ژغورنې غورځنګ فعالين د ترهګرې پرضد جنګ کې د ځپل شوو، په زوره بې درکه کړی شوو، او د عدالت پرته د خلکو د وژنو پرضد د هېواد په بيلا بيلو سيمو کې جلسې جلوسونه او مظاهرې کوي.

د پښتون تحفظ مومنټ مشران ادعا کوي په تېرو لسو کالو کې يواځې د پاکستان پخوانو قبایلي سیمو یا فاټا نه ٣٢٠٠٠ پښتانه بې درکه کړې شوي.

XS
SM
MD
LG