لاس رسیدونکی لینک

Breaking News

په هندي کشمیر کې خبریالان وايي پولیس دوی ځوروي او د مطبوعاتو د ازادۍ مخه نیسي


وزیراعظم نرندره مودي حکومت تېر کال د هندوستان د انتظام لاندې کشمیر خصوصي خپلواکه حېثیت ختم کړو

د هندوستان د انتظام لاندې کشمیر کې خبریالانو ویلي دې چې کله راهسې هندوستان د کشمیر خپلواکه حېثیت ختم کړی دی پولیس په سیمه کې خبریالان ویروي. خبریالانو غوښتنه وکړه چې دوی ته دې په ازاد ډول د خبرونو ورکولو اجازت ورکړی شي.

د هندوستان د انتظام لاندې کشمیر کې د خبریالانو منتخب تنظیم کشمیر پرېس کلب وویل امنیتي ادارې نه یوازې په خبریالانو حملې کوي بلکې دړکې ورکوي او خبریالانو ته د حاضرېدو حکمونه ورکوي.

د اېسوسي اېټډ پرېس خبري ادارې د رپورټ ترمخه پرېس کلب وویل پرځای د دې چې په مطبوعاتو پابندۍ ولگوي حکومت ته پکار دي چې د ائین دلاندې د رای ازادي یقیني کړي.

د خالي، شنبې، په ورځ پولیس دوه خبریالان پس له هغې راوغوښتل چې دوی د جمو کشمیر لبرېشن فرنټ نومې گوند د احتجاج د غږ په اړه خبرونه ورکړل. دغه گوند د کشمیر د ازادۍ غوښتنه کوي.

پرېس کلب د پولیس د دغه گام غندنه وکړه. "په کشمیر کې په کمزورو بنیادونو د خبریالانو ویرول او پوښتنې ترې کول" څرگندوي چې مطبوعات په کومو سختو حالاتو کې کار کوي.

پرېس کلب په انټرنېټ د پولیس د قدغنونو او پولیس د څارنې غندنه هم وکړه او ویې وېل پولیس "دا خبره یقیني کړي چې یوازې د حکومت غږ دې واورېدل شي."

د اېسوسي اېټډر پرېس په رپورټ کې د کشمیر پرېس کلب په بیان د هندوستان او یا د هندي کشمیر د حکومت کوم دریځ نه و. د هند حکومت د کشمیر په اړه د خپل گام دفاع کړې ده او ویلي یې دي چې د دې دلارې په کشمیر د هېواد د نورو برخو برابر شي. هندي چارواکو ویلي په کشمیر کې د مواصلاحاتو په اړه یو شمیر گامونه ختم کړی شوي دي.

ای پي وویل د تېر کال د اگست په میاشت کې د کشمیر خصوصي حېثیت ختمولو وروسته په کشمیر کې صحافت ودریدلی دی او د رپورټ ترمخه، په سیمه کې د مواصلاتي نظام د بندېزو د مطبوعاتو فعالیتونه متاثر شوي دي او د کشمیر مرکزي ښار سري نگر نه چاپ کېدونکي ورځپاڼې په انټرنېټ خپلې گڼې نشې خپرولی.

ای پي وايي غیرملکي خبریالانو ته کشمیر ته د تگ اجازت نه ورکړی کېږي.

د مطبوعاتو د ازادۍ دپاره کارکوونکي نړیوالې ادارې رپورټرز ود اوټ بارډرز د مطبوعاتو د ازادۍ په اړه د نړۍ د ١٨٠ هېوادونو په فهرست هندوستان په ١۴٠ درجه ولاړ دی.

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG