د پاکستان او هندوستان پوځونو په کشمیر کې د یو بل په ضد ډزې کړې دي او د دواړو هېوادونو مامورینو ویلي په ډزو کې څلور ملکي کسان وژل شوي او گڼ شمیر نور زخمیان دي.
د پاکستان خارجه وزارت د شورو، چهارشنبې، په ورځ وویل هندي ځواکونو په کشمیر کې بغیر د څه راپارونې ډزې کړې دي او په اسلام اباد کې د هندوستان سفارتي نماینده ته په دې لړ کې احتجاج وکړی شي.
د پاکستان خارجه وزارت وویل د هندي ځواکونو په ډزو کې د پاکستان د انتظام لاندې کشمیر کې کې د دوو ماشومانو په شمول درې ملکي کسان ووژل شو.
بلخوا د هندوستان د پوځ ترجمان لوټیننټ کرنل دوندر انند وویل پاکستاني ځواکونو په تیرو دوو ورځو کې د هندي پوځ دوه پوسټونه او د هندوستان د انتظام لاندې کشمیر کې یو شمیر کلي په مارټرو او مشین گنونو په دهدف کړل. کرنل انند وویل هندي ځواکونو پاکستاني پوځ ته مناسب ځواب ورکړو.
هندي کشمیر کې یو حکومتي چارواکي وویل د نهې، سه شنبې، په ورځ په پونچ سېکټر کې د پاکستاني ځواکونو په ډزو کې یوه مېرمن او یو شمیر څاروي ووژل شو.
او د هندي کشمیر یو پولیس افسر پرویز احمد وویل د کشمیر په جنوبي برخه کې یې د ډزو په تبادله کې درې وسله وال وژلې دي.
په کشمیر پاکستاني او هندي ځواکون د یو بل په ضد ډزې دا په داسې حال کې کړې دي د کشمیر په سر د دواړو هېوادونو ترمنځ تاوتریخوالی زیات دی.
