لاس رسیدونکی لینک

تازه خبر

د هندوستان د نوي پارلېمنټ د وړمبۍ غونډې په موقع وزیراعظم مودي د مفاهمت غوښتنه وکړه


پارلېمنټ ته د ننوتلو نه مخکې مودي خپل تقریر کې وویل ملک د چلول دپاره مفاهمت انتهايي ضروري دی. هغه په حزب اختلاف غږ وکړو چې مثبت کردار ادا کړي
پارلېمنټ ته د ننوتلو نه مخکې مودي خپل تقریر کې وویل ملک د چلول دپاره مفاهمت انتهايي ضروري دی. هغه په حزب اختلاف غږ وکړو چې مثبت کردار ادا کړي

د هندوستان د نوي پارلېمنټ وړمبۍ غونډه د ګل، دوشنبې، په ورځ وشوه او وزیراعظم نرندري مودي د حزب اختلاف نه د مفاهمت غوښتنه وکړه.

مودي حزب اختلاف ته د مفاهمت وړانديز په انتخاباتو کې د هغه ګوند د کم اکثریت وروسته کړی دی او په تېرو لسو کلونو کې دا وړمبی ځل دی چې مودي مجبور شوی چې د نورو ګوندونو سره په اتحاد مخلوط حکومت جوړ کړي.

توقعو ده چې د هند د نوي پارلېمنټ په موجوده غونډه کې په چې د جولای د دریمې نېټې پورې دوام لري، مودي به د وزیراعظمۍ د درېمې دورې دپاره د خپل حکومت تګلاره پېش او راهول ګاندهي به په پارلېمنټ کې په رسمي توګه د حکومت مخالفو پارټیو یا حزب اختلاف مشر وټاکي. په پارلېمنټ کې د حزب اختلاف چوکۍ د ۲۰۱۴ راهسې خالي پرته ده.

په تېرو دوو انتخاباتو کې د مودي بهارتیا جنتا پارټۍ په پارلېمنت کې دروند اکثریت ترلاسه کړی وو او قانونې مسودې به يې په پارلېمنټ کې د معمولي بحث وروسته منظورول.

خو اوس څېړونکي وايي ۷۳ کلن مودي به معتدله لاره خپلوي چې په حکومت کې شامل اتحادي ګوندونه خوشحاله وساتي او توجه به د بنیادي اسانتیاو، سماجي خېرښېګړې او اقتصادي اصلاحاتو ته ورکوي.

پارلېمنټ ته د ننوتلو نه مخکې مودي خپل تقریر کې وویل ملک د چلول دپاره مفاهمت انتهايي ضروري دی. هغه په حزب اختلاف غږ وکړو چې مثبت کردار ادا کړي.

هغه وویل ولس د خپلو نمایندګانو نه توقعو کوي چې ملک دپاره د اهمیت په مسلو به بحث کوي او ولس د ګډوډۍ او د خنډانو توقعو نه کوي او د نعرو په ځای عملي اقدامات غواړي.

د پارلېمنټ دننه، د پارلېمنټ غړو د مودي په مشرۍ کې سوګند پورته کړو، د هغو پلویانو مېزونه و پقړقول او مخالفینو يې ايين پورته کړی و؟

د پارلماني چارو دپاره وزیر کېرن ريجيجو د ګل، دوشنبې، په ورځ د پرامنه او د تعميري غونډې غوښتنه وکړه خو هندی مطبوعاتو وویل توقعو ده چې په نوي پارلېمنټ کې په تاوده بحثونه کېږي ځکه کې حزب اختلاف د وړاندې نه زیات مضبوط شوی او زیات نشستونه يې ګټلي دي.

د راهول ګاندهي په مشرۍ کې ګانکرس پارتۍ په نوي په پارلېمنټ کې په خپلې چوکۍ دوچنده زیاتې کړي دي. کاندهي د هندوستان د ازادۍ د تحریک یو مشر جواهرلال نهرو کړوسی دی، په کورنۍ کې وزيراعظمان پاتې شوي د تېرو لسیزو راهسې یې د هندوستان په سیاست غلبا پاتې شوې ده.

د هندوستان د پارليماني قوانینو ترمخه د حزب اختلاف مشر به د هغه ګوند څخه اخیستل کېږي چې د پارلېمنټ د ۵۴۳ چوکو ۱۰ فیصد برخه لري. په تېرو لسو کلونو دا چوکۍ ځکه خالي پرته وه چې کانګرس پارټۍ دغه شمېره نه لرله.

Forum

بي بي شیرینه

بي بي شیرینه – په ټیلې ویژن
please wait

No media source currently available

0:00 2:59:59 0:00

Recommended

XS
SM
MD
LG