لاس رسیدونکی لینک

تازه خبر

د اسرايل د موجودګۍ په احتجاج کې ايرانی پلاوی د سي او پي ۲۸ د کانفرنس نه وتلی دی


د ملګرو ملتونو لخوا په متحده عرب امارات کې راجوړ شوي د ماحوليات د کانفرنس نه د ايران پلاوی د جمعې په ورځ ځکه وتلی چې په دغه کانفرنس کې د اسرايل پلاوی هم شرکت کوي. دا خبر د ايران سرکاري مطبوعاتو خور کړی دی.

د اېرنا د خبر ترمخه د توانايۍ وزير علي اکبر مهرابيان چې په سي او پي ۲۸ کانفرنس کې ګډون درلود ويلي پلاوی يې د احتجاج په توګه د کانفرنس نه ځکه وتلی چې اسرايل پکې ګډون لرلو او د هغه په وينا اسرايل د کانفرنس د اهدافو او کړنلارې برعکس روان دی.

دا ګام د ايران لخوا د اسرايل او حماس وسلوالې ډلې ترمنځ په غزه کې د اوه ورځني اوربند د ختمېدو نه څو ساعته وروستو واخستل شو. د اوم اکتوبر په اسرايل د حماس د حملې وروستو د يوې اونۍ د پاره د دواړو خواو ترمنځ عارضي اوربند شوی و خو اوس بيا جګړه روانه ده.

د ايران سرکاري مطبوعاتي ادارې اېرنا د زيارت په ورځ ويلي وو د ايران صدر ابراهيم ريسي به کانفرنس ته نه ځي او مهرابيان به د ايران نمايندګي کوي.

په ياد کانفرنس کې نزدې د 200 هېوادونو پلاوي برخه اخلي او د نړيوالې تودوخې د قابو کولو په لړ کې د فشار لاندې دي خو د اسرايل او حماس ترمنځ د اته اونيو راهسې روانې جګړې د کانفرنس اهميت اغېزمن کړی دی.

د اېرنا ترمخه د ايران وزير خارجه حسين امير عبداللهيان ته په جون کې د متحده عرب امارات د خارجه چارو وزير عبدالله بن زيد النهيان بلنه ورکړې وه چې د ايران صدر ريسي دې په کانفرنس کې ګډون وکړي.

خبرې اداره زياتوي د ايران صدر په کانفرنس کې د ګډون نه ډډه ځکه وکړه چې د زايونېسټ (اسرايل) رجيم چارواکي پکې ګډون کوي.

د ايران وزير خارجه امير عبداللهيان د متحده عرب امارات وزير خارجه ته په ټيليفون ويلي وو “د جنګي جرمونو او نسل کشۍ په شتون کې د اسرايل موجودګي په دې ناسته کې جدي اخستل پکار دي”.

Forum

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG