د ایران خارخه وزیر عباس عراقچي د اټلي خپل هم منصب ته ویلي تېره میاشت په تهران کې د حماس د سیاسي څانګې مشر د وژل کېدو په جواب کې به ایران حمله ضرور کوي، دا به کره او په حساب کتاب کولی شي.
د ایران خارجه وزارت د ګل، دوشنبې، په ورځ په یو بیان کې د اټلي خارجه وزیر اېنتونیو تجانې سره د عراقچي په ټېلې فون د خبرو ذکر وکړو چې عراقچي په کې وویل ایران تاوتریخوالی زیاتول نه غواړي خو د دې نه ویرېږي هم نا.
ایران تېره میاشت په تهران کې د هنیه د وژنې الزام په اسرایل لګولی خو اسرایل د دې خبرې نه تردېد او نه هم تاید کړی دی.
په هنیه د قاتلانه حملې وروسته دا تشویش راپورته شوي چې د په سیمه کې به د اسرایل او د حماس د جنګ او د اسرایل او حزب الله په یو بل روزانه د حملو ترڅنګ په پراخه کچه شخړه شروع شي.
د عراقچي د خبرو نه وړاندې د اتوار، یکشنبې، په ورځ اسرایل او په لبنان کې مېشته حزب الله په یو بل په سلګونو حملې وکړې.
د اسرایل وزیراعظم بېنجمن نېټن یاهو د خپلې کابېنې غړو ته وویل په حزب الله حېرانوونکي او چقوونکي حملې کېږي. هغه زیاته کړه چې دا د اسرایل په شمالي سرحد حالات د بدلولو او د سیمې خلک په امن کې خپلو کورونو ته د ستنولو ګام دي خو د هغه په قول دا اخېری ټکی نه دی.
حزب الله د خپلو بریدونو په اړه وویل دا په بېروت کې تېره میاشت د اسرایل په حمله کې خپل وژل شوي یو کمانډر فواد شکر د وژل کېدو په بدل کې د وړمبي پړاو حملې دي. اسرایل په شکر د هغه حملې الزام لګولی و چې په کې ۱۲ ماشومان وژل شوي وو. حزب الله وویل نورې حملې به د اسرایل دننه کولی شي خو د نن ورځې دپاره عسکري عملیات سره ته ورسېدل.
په منځني ختیځ کې تاوتریخوالی د زیاتېدو له امله امریکې په سیمه کې خپل ځواکونه مظبوط کړي دي او د امریکې د دفاع وزارت، پېنګان، د اتوار، یکشنبې، په ورځ وویل د هېواد د دفاع وزیر لواېډ اسټن دوه سمندرې بېړې په منځني ختیځ کې د ګمارل کېدو امر کړی دی. دغه اعلان د اسرایلي وزیراعظم یواو ګېلانټ سره د اسټن د خبرو اترو په اړه په یو بیان کې شوی دی.
د امریکې د جواینټ چیفس اف سټاف مشر ايرفورس جنرل سي کیو براون دا مهال د سيمې په دوره دی چې په کې به هغه اسرایل، مصر او اردن ته ورځي.
په غزه کې د طبي امداد ادارې ډاکټرز ود اوټ بارډرز د اتوار، يکشنبې، په ورځ ناوخته وویل د اسرایل د انخلا د احکاماتو به نتیجه کې په سلګونو زرګونه بې کوره خلک مجبور شوي چې د ۴۱ مربع کېلومېټر په علاقه کې پناه واخلي.
فلسطینیانو د انخلا ورستی امر د مرکزي غزه به دیر البلح سیمه کې د العقصا هسپتال سره نږدې ورکړی شوی. په دغه سیمه کې په سلګونو خلکو پناه اخیستې ده.
ډاکټرز ود اوټ بارډرز وویل هسپتال سره قریباً په ۲۵۰ ميټره فاضله کې د چاودنې وروسته د زخمیان درملنه په ځنډولو سوچ کوي. ادارې په یو بیان کې وویل ټول فریقېن باید د هسپتال او طبي امداد ته د لاس رسي د زخمیانو د مریضانو د حق احترام وکړي.
په غزه کې د ډز بندۍ دپاره خبرې اترې په قاهره کې د اتوار، یکشنبې، په ورځ بې ثمره ختمې شوې.
امریکا، مصر او قطر کوښښونه کوي چې په غزه کې ډز بندي وشي، د حماس د ولکې نه اسرایلي یرغمالان او د اسرایل د قېد نه فلسطینیان ازاد کړی شي او غزه ته انساني امداد زیات کړي شي.
Forum