یو امریکايي وکیل ویلي ایران به هغه څلور امریکایان چې په زندان کې دي په کور نظر بندۍ ته منتقل کړي. دغه پرمختګ په داسې حال کې شوی چې تهران د تېرو څو میاشتو راهسې واشنګټن سره د قیدیانو تبادلې د امادګۍ اظهار کړی دی.
د انساني حقونو وکیل جېرېډ ګېنسر د زیارت، پنجشنبې، په ورځ په یو بیان کې وویل امریکايي قیدیان به د تهران د اوین زندان نه د نظر بندۍ دپاره یو هوټل ته منتقل کړی شي او د حفاظت ذمه واري به يې د ایراني محافظین په غاړه وي.
دا چې امریکایان به کوم ځای ته منتقلېږي، دا معلومات نه دي څرګند کړی شوي.
د دریو امریکایانو شناخت سیامک نمازی، عماد شرقی او د مراد طاهباز په نومونو شوی دی. د څلورم قېدي نوم نه دی ښکاره کړی شوی.
کېنسر د امریکايي قیدیانو اوین نه د بهر منتقلېدل اهم پرمختګ وبللو خو زیاته کړه چې داسې څه ضمانت نشته چې مخکې په څه کېږي.
امریکايي وکیل زیاته کړه چې یوه امریکايي ښځینه قېدي مخکې د اوین زندان نه نظربندۍ ته منتقل کړی شوي ده.
نمازي په کال ۲۰۱۵ کې ایران ته د کاروباري سفر په مهال نیول شوی او د ښمن ملک سره د تعلق الزام پې لګول شوی و. هغه د ایران او امریکې غبرګ شهریت لري.
طاهباز د موسمیاتو ماهر دی او د شرقي کاروباري تن دی. دواړه په لومړي ځل په ۲۰۱۸ کې ګرفتار کړی شوي وو. دوي هم د ایران او امریکې غیرګ شهریت لري.
د امریکې سټېټ ډپارټمنټ یا خارجه وزارت ویلي وو چې دري واړه کسان په ناجایز ډول نیول شوي.
د ایران د اوین زندان نه د امریکايایانو د منتقلۍ په اړه خپل رپورټ کې د امریکې نیویارک ټایمز اخبار د زیارت، پنجشنبې، په ورځ خپل رپورټ کې وویل دغه پرمختګ ایران سره د معاهدې په نتیجه کې شوی دی چې په نتیجه کې به يې دواړه ملکونو د قیدیانو تبادله کېږي. اخبار دا هم ویلي چې امریکا به ایران ته پېسې هم ورکوي.
یادونه: د دې خبر معلومات د وي او ای خبریالې نیکي چېنګ د رپورټ نه اخیستل شوي دي
Forum