د ایران د دفاع وزارت ویلي په خلا کې د ځمکې مدار ته د سیارې رسولو د ایران کوښښ د راکټ د کم رفتار په سبب ناکامه شوی دی.
د رویټرز خبري ادارې ترمخه د دفاع وزارت ترجمان په حکومتي ټېلې وژن د جمعې په ورځ نشر شوو خبرو کې دغه اعلان وکړو.
د رویټرز ترمخه امریکې، فرانس او جرمني خلا ته سیارې لېږلو د ایران په کوښښ تنقید کړی دی.
د ایران د دفاع وزارت ترحمان احمد حسېني خلا ته د ایران د سیارې رسولو په اړه یو دستاوېزي پروګرام کې وویل هغه راکټ چې د ځمکې مدار ته سیاره رسوي پکار ده چې په یو منټ کې د 7600 مېټره نه په زیات رفتار سفر وکړي. هغه زیاته کړه ایرانی راکټ په یو منټ کې 7350 مېټره رفتار ته رسېدلی و.
ایران خلا ته د سیارې لېږلو ازمایښ د زیارت، پنجشنبې، په ورځ په داسې مهال وکړو چې د کال 2015 د ایران اېټمي معاهدې د بحالولو دپاره د ایران او مغربي قوتونو ترمنځ خبرې دوام لري. امریکا په دغو مذاکراتو کې په غیر مستقیم ډول شرکت کوي.
رویټرز وايي ایران په منځني ختیځ کې تر ټولو د مزایلو ترټولو لوی پروګرام لري د دې نه یې وړاندې هم خلا ته د سیارو لېږلو کوښښونه کړي دي خو د ټېنېکي وجوهاتو په سبب د ناکامۍ سره مخامخ شوي دي.
د رویټرز ترمخه واشنګټن خلا ته د سیارو لېږلو د ایران په کوښښونو تشویش څرګند کړی دی او جرمني غوښتلي چې ایران دې خلا ته د راکټونو لېږل ودروي.
جرمني ويلي د ایران دغه کوښښونه د ملګرو ملتونو د امنیتي شورا یا سېکیورټي کاونس د قرارداد خلاف ورزي کوي. د رویټرز په رپورټ کې ویل شوي چې فرانس هم د جمعې په ورځ وویل چې د ایران کوښښونه د سیکورټي کاونسل د قرارداد خلاف ورزي ده.
رویټرز وویل ایران کوښښ کولو چې درې تحقیقاتي الات خلا ته ورسوي.
د رپورټ ترمخه ایران دا خبره ردوي چې د خلايي پروګرام په شا د بېلېسټېک مزایلو پروګرام په وړاندې بیايي او یا دا چې دغه کوښښونه د ملګرو ملتونو د قرارداد خلاف ورزي کوي.
