د ایران پاسداران انقلاب ځواکونو لخوا په غلطۍ سره د یوکراین مسافري جهاز راغورځولو وروسته د خالي/شنبې په ورځ د دغه هیواد په یو شمېر ښارونو کې په سلګونو ایرانیانو احتجاجونه کړي. په جهاز کې سواره ټول ۱۷۶ کسان وژلی شوي دي.
تهران کې د شریف یونیورسټۍ طالبعلمان د "ریفرینډم زمونږ د اولس د خلاصي لارده" چغې وهي.
دغه احتجاجونه د تهران پورې محدود نه وو. د ایران په شمالي ښار رشت کې خلکو د ملک روحاني مشر آیت الله علي خامناي او د هغه ملګري "بې شرمه" بللي.
تهران کې د امیر کبیر یونیورسټۍ سره نزدې د احتجاجونو مخنیوي لپاره پولیس پرځای کړل شوي.
د احتجاج کوونکو ویډیوګانې ښاي چې د تهران امیرکبیرپولیټیکنیک یونیورسټۍ سره نزدې مظاهره چیان د "آمر مرد اباد" چغې وهي او د ایران روحاني مشر آیت الله علي خامناي ته غدار وايي.
د امیرکبیریونیورسټۍ سره نزدې پولیسو په احتجاج کوونکو باندې اوښکې بیونکې ګیسونه استعمال کړي
د ایران فلمونه جوړوونکي جعفر پناهي په انسټاګرام پاڼه باندې خپره کړی شوې ویډیو کې ښکاري چې پولیسو تهران کې د امیر کبیر یونیورسټۍ سره نزدې په احتجاج کوونکو باندې اوښکې بیوونکي ګیسونه ګوزار کړي.
تهران کې د شریف یونیورسټۍ سره نزدې احتجاج کوونکي چغې وهي، "زمونږ مشر ناخبره او د شرم باعث دی".
د امریکا غږ په خپلواکه توگه دغه ویدیوگانې نشي تائیدولای.
