لاس رسیدونکی لینک

Breaking News

د لومړنیو سکولونو استاذانو په اسلام اباد کې احتجاج پېل کړی دی


په سوات کې د هغه سکول یو کلاس چې نوبل انعام گټونکي ملاله یوسفزۍ هم پکې سبق ویلی

د پاکستان په کچه د بيسک ايجوکېشن کموينټي سکولز استادان د مرکزي حکومت نه د مستقل کولو او د تيرو شپږو مياشتو راهيسې د بندو مياشتنو وظيفو د جاري کولو غښتنې کوي.

د پاکستان په کچه د بيسک ايجوکېشن کميونټي سکولونو سره تړاو لرونکي په درجنونو ښځينه او نارينه استادان د اسلام اباد پريس کلب مخې ته په احتجاج ناست دي او مرکزي حکومت نه ددغو سکولونو د ريګولر او دغه سکولونو د استاذانو د مستقل کولو غښتنې کوي.

هغوي وايي، که حکومت دا پروژه ختمه کړه نو دې سره به نه يواځې ١٢٤٩٠ استاذان بې روزګاره شي بلکې د شپږلکه څخه د زياتو محصلينو د سبق لړې به هم په ټپه ودريږي.

د پاکستان په کچه ددغه سکلونو د سازمان صدر مظاهر حسين وايي يوه غوښتنه لري چې دغه استادان دې مستقل کړاي شي.

په دې احتجاج کې شريک د پخوانې مهمند ايجنسې استاد ارشاد علي وايي، د کال ١٩٩٨ راهېسې پدغو سکلونو کې استادي کوي خو د موجوده مرکزي حکومت نه ګيله من دې چۍ خبرو ته یې غوږ نه نيسي او اپوټه ددغو سکولونو د سره د ختمولو دهړکې ورکوي.

د بيسک ايجوکيشن کوميونټي سکولونه د کال ١٩٩٨ راهېسې کار کوي چې د هېواد په کچه غير رسمي او په پخوانۍ فاټا کې رسمي تعليم ورکوي او ددې پروژې لاندې ١١٠٠٠ سکولونو کې ١٢٤٨٠ استادان ٦ لکه محصيلنو ته تعليم ورکوي.

احتجاج کې د مردان او صوابۍ د استادانو په استازيتوب شريک نور احمد وايي، دا پروژه د شلو کلونو راهېسې روانه ده خو له بده مرغه استادان اوس هم لا ندې مستقل شوې.

د چترال دروش نه راغلې ښځينه استاده امينه بي بي وايي، غواړي چې سکلونه یې ريګلولر شي او د سرکاري سکلونو د انتظام لاندې راوستل شي.

د بيسک ايجوکيشن سکولز د مفاهمتي ياداشت ترمخه پروژه پابند ده چې په هره دريمه مياشت استادانو ته تنخوا ورکړي خو دغه استادان وايي د تيرو شپږو مياشتو راهېسې یې تنخوا نه ده ترلاسه کړے.

په بنيادي ډول دا پروجه کال ١٩٩٨ کې د ناروې د حکومت په مالي مرسته پيل شوې وه او کال ٢٠٠٣ پورې د ناروې د حکومت په مالي مرسته چلېدله او ورسته بیا د نيشنل ايجوکيشن فاونډيشن په همکارې سره د کال ٢٠٠٧ پورې کار کولو چې بيا په پبلک ايجوکيشن کميونټي سکلونو کې زعم کړې شول.

XS
SM
MD
LG