اسرایلي ځواکونو د غزه په شمالي او جنوبي برخو کې بمباري کړې

اسرایلي ځواکونو په غزه کې پېش قدمۍ ته دوام ورکړی او د سيمې په شمالي او جنوبي علاقو کې يې بمباري کړې ده. دا خبره غزه نه د جمعې په ورځ ترلاسه شوو رپورټو کې شوې ده. بلخوا، غزه ته انساني امداد د رسوولو کوښښونه د مشکلاتو سره مخامخ دي.

روېټرز خبري ادارې د مقامي شهریانو او د حماس د مطبوعاتو له قوله خپل رپورټ کې وویل د اسرایل د ټېنکونو دستې د رفح شاکوش علاقې ته ور ننوتلې او په علاقه کې موجود په زرګونو خلک مجبور شول چې د خېمو کېمپ پرېږدي او د شمال په لورې خان یونس ښار ته تګ وکړي.

اسرایلي پوځ یو وډیو شایع کړه چې د پوځ ترمخه نهل (نحل) بريګېد په رفح کې د عملیاتو په مهال ښيي. وډیو ښيي چې ټېنکونه په کوڅو کې کرځي او عسکر د عمارتونو په هدفونو ډزې کوي.

اسرایل دا هم وویل چې ځواکونو يې د هوايي بمبارۍ په بدرګه کې د غزه په شمال کې چاپې وهلي دي او د غزه په څنډه پرته شجاعیه سیمه کې يې په لسګونو وسله والي وژلي. اسرایلي پوځ وویل دغه عملیات د زیارت پنجشنبې، په شپه ناوخته شروع شوي وو.

د فلسطیني کډوالو د مرستې دپاره د ملګرو ملتونو ادارې چارواکې د جمعې په ورځ خبریالانو ته وویل د غزه اوسېدونکي د تشویش او مایوسۍ ښکار شوي دي ځکه چې تېلو د کمي په سبب امدادي کارکوونکي خپل سر ته نه شي رسوولی.

غزه نه د انټرنېټ دلارې خبرو کې د یواېن ار ډبلیو ای د مواصلاتو چارواکې لوي وټرېج وویل په سلګونو کسان د امدادي ټرکونو په انتظار دي خو کله چې دغه ټرکونه ور ورسېږي نو خلک به په لږ امدادي سامان ور مات شي.

واټرېج وویل د غزه د ډیرو علاقو په شان رفح هم تباه شوی دی. هغې وویل خان یونس هم په کنډر بدل شوی خو خلک اوس هم کې ژوند کوي.

د امریکې خارجه وزارت، سټېټ ډپارټمنټ، وزارت ترجمان مېتیومېلر د جمعې په ورځ په یو بیان کې وویل د امریکې خارجه وزیر اېنټني بلېنکن د زیارت، پنجشنبې، په ورځ په واشنګټن کې غزه دپاره د بشري امداد او د بیا رغونې رابطه کار سېګرېډ کاګ سره ملاقات وکړو.

د بیان ترمخه، سېګرېډ د دې خبرې په ضرورت ټینګار وکړو چې غزه ته دې په مستقل ډول انساني امداد رسوول یقیني کړی شي او د امداد په لاره کې د امینت مشکلات دې لرې کړی شي.

بلېنکن د امدادي کارکوونکو تحفظ په یقیني کولو او په دې خبره ټینګار وکړو چې ډز بندي دې وکړی شي چې دا ډول یرغمالان ازاد شي او د غزه د اوسېدونکو مشکلات ختم شي.

په غزه کې جنګ په اووم اکتوبر په اسرایل د حماس د حملې په جواب کې شروع شوی دی. د حماس په حمله کې ۱۲۰۰ کسان وژل شوي او حماس تر ۲۵۰ پورې کسان یرغمال نیولي وو.

د غزه د صحت وزارت ترمخه په سیمه کې جنګ دلاسه د ۳۷۷۰۰۰ نه زیات کسان وژل شوي دي. وزارت په غزه کې د وژل شویو کسانو په شمېره کې دا نه واضحه کوي چې څومره ملکي کسان او څومره وسله وال دي.