اسرایل وايي په نړیوال عدالت کې به د قتل عام الزامات ردوي

د اسرایل د حکومت یو ترجمان د نهې، سه شنبې، په ورځ وویل اسرایل به انټرنېشنل کورټ اف جسټس یا د انصاف نړیوال عدالت ته حاضرېږي او په غزه کې د حماس خلاف جنګ کې د جېنوسایډ یا د قتل عام په اړه د جنوبي افریقې الزامات به ردوي.

جنوبي افریقي د جمعې په ورځ د نړیوال عدالت نه غوښتنه وکړه چې په بېړني امر کې دې ووايي چې د حماس خلاف جنګ کې اسرایل د کال ۱۹۴۸ د جېنوسایډ کنوېنشن یا د قتل عام د مخنیوي د قانون په خلاف ورزۍ کې ککړ دی.

د اسرایل د حکومت ترجمان اېلیون لېوي یوې انلاین غونډې ته وویل د اسرایل ریاست به په هېګ کې انټرنېشنل کورټ اف جسټس ته حاضرېږي چې د جنوبي افریقې د خون بې منطقه الزام مسترد کړي. مونږ د جنوبي افریقې مشرانو ته یقین ورکوي چې تاریخ به د ستاسو قضاوت وکوي او د ستاسو قضاوت به بغېر د رحمه کوي.

جنوبي افریقي د لسیزو راهسې په هغو سیمو کې د فلسطیني ریاست د قیام حمایت کړی چې اسرایل قبضه کړي دي. جنوبي افریقا د فلسطینیانو د حالت مماثلت د پخواني اپارټایډ یا د نسل پرستۍ د دور د جنوبي افریقي د تور پوستو د اکثریتي ابادۍ سره کوي، اسرایل دا مماثلت په کلکه ردوي.

د ملګرو ملتونو د انتظام لاندې ایي سي جی د ملکونو ترمنځ شخړې هواروي. د اسرایل خارجه وزارت د جنوبي افریقې مقدمه بې ځایه بللې.

د جنوبي افریقې د خارجه تعلقاتو او همکارۍ د محکمې ترجما کلېسن منېیلا په اېکس، پخواني ټوېټر، وویل د جنوپي افریقي وکیلان د مقدمې دپاره تیاری کوي او نړیوال عدالت د اورونه دپاره د جنورۍ ۱۱ او ۱۲ نېټې ټاکلې دي.

په اووم اکتوبر په اسرایل د حماس د حملې په جواب کې اسرایل په غزه کې د حماس جلاف جنګ شروع کړی دی. د حماس په حمله کې ۱۲۰۰ کسان وژل شوي او تر ۲۴۰ پورې نور کسان یرغمال نیول شوي وو.

د حماس د انتظام لاندې د غزه د صحت وزارت ترمخه، په غزه کې تر ۲۲۰۰۰ پورې کسان وژل شوي دي. وزارت په وژل شویو کسانو کې د وسله والو او د ملکي کسانو تفریق نه کوي خو وايي ۷۰ فیصد کسان ښځې او ماشومان دي. اسرایل د فلسطینیانو د تلفاتو شمېرې ردوي، وايي ځواکونو يې ۸۰۰۰ وسله وال وژلي دي.

د اسرایلي حکومت ترجمان لېوي د هغو اقداماتو ذکر وکړو چې هغه وویل اسرایل ملکي کسان د نقصان نه بچ کولو دپاره اخیستې دي. هغه وویل حماس د جنګ شروع کولو ټوله اخلاقي ذمه واري په غاړه لري اود هسپتالونو، سکولونو، کورونو او د ملګرو ملتونو د ودانیو نه جنګ کوي.

لېوي بغیر د څه ثبوته وویل چې د اسرایلیانو په ضد د حماس په جرمونو کې جنوبي افریقا شریکه ده.

امریکې، برطانیې، یورپین یونین او ځینو نورو ملکونو حماس ترهګر تنظیم ټاکلی دی.