لاس رسیدونکی لینک

تازه خبر

په وېسټ بېنک کې د اپرېشن په مهال اسرایلي عسکر وژل شوی دی


اسرایلي ځواکونو په جنین کې اپرېش کولو چې عیني شاهدینو وویل په دغه مهال د بم چاودنه وشوه.
اسرایلي ځواکونه په جنین او د وېسټ په نورو علاقو کې وخت په وخت عملیات کوي او وايي د دې مقصد د ترهګر فعالیتونو مخه نیول دي
اسرایلي ځواکونو په جنین کې اپرېش کولو چې عیني شاهدینو وویل په دغه مهال د بم چاودنه وشوه. اسرایلي ځواکونه په جنین او د وېسټ په نورو علاقو کې وخت په وخت عملیات کوي او وايي د دې مقصد د ترهګر فعالیتونو مخه نیول دي

د اسرایل پوځ د زیارت، پنجشنبې، په ورځ وویل د اسرایل د قبضې لاندې په وېسټ بېنک کې د اپرېشن په مهال يې یو عسکر وژل شوی او بل سخت زخمي شوی دی.

اسرایلي ځواکونو په جنین کې اپرېش کولو چې عیني شاهدینو وویل په دغه مهال د بم چاودنه وشوه.
اسرایلي ځواکونه په جنین او د وېسټ په نورو علاقو کې وخت په وخت عملیات کوي او وايي د دې مقصد د ترهګر فعالیتونو مخه نیول دي.

په غزه کې د اسرایل او د حماس د جنګ په مهال هم په وېسټ بېنک کې د اسرایلي ځواکونو چاپې دوام لري او اسرایل وايي په وېسټ بېنک کې یې د ۱۷۰۰ نه زیات د فلسطیني مسلح ډلې حماس غړي نیولي دي.

د اسرایل پوځ د زیارت، پنجشنبې، په ورځ دا هم وویل چې د غزه په جنوبي ښار خان یونس کې فضايي بمباري دوامداره ساتلې ده.

د اسرایل د دفاع وزیر یواو ګېلانټ د شورو، چهارشنبې، په ورځ وویل اسرایل ته د امریکايي وسلو د رسد په اړه تشویش کې اهم پرمختګ شوی دی.

په وایټ هاوس کې د صدر جوبایډن د قومي سلامتیا مشیر جېک سولېون سره د ملاقات وروسته، ګېلانټ وویل اسرایل ته د وسلې ورکولو په لړ کې خنډان لرې کړی شوو.

ګېلانټ په واشنګټڼ کې دا هفته د امریکې خارجه وزیر اېنټني بلېنکن او د خپل امریکايي همنصب لواېډ اسټن سره هم ملاقاتونه وکړل.

امریکا اسرایل ته د ټولو نه زیاته وسله ورکوي خو د تېرو څو هفتو راهسې اسرایلي وزیراعظم بېنجمن نېټن یاهو دا شکایت لري چې اسرایل ته د امریکې د وسلو رسد د سست روۍ ښکار شوی دی. د وایټ هاوس چارواکي وايي د نېټن یاهو خبرو حېرانه کړي دي.

د وایټ هاوس یو بیان وویل سولېون د صدر بایډن د حکومت دا لوظ تکرار کړو چې د اسرایل ټول عسکري ضرورتونه به پوره کولی شي چې د ایران په حمایت د جنګېدونکو مخالفینو، په غزه کې د حماس، او په لنبان کې د حزب الله، مخه ونیولی شي.

په اووم اکتوبر په اسرایل د حماس په حمله کې د ۱۲۰۰ کسانو د وژل کېدو او تر د ۲۵۰ پورې نورو کسانو د نیول کېدو په جواب کې اسرایل د حماس خلاف په غزه کې جنګ شروع کړی دی او د غزه د صحت وزارت وايي په غزه کې د ۳۷۷۰۰ نه زیات فلسطینیان وژل شوي دي، چې په کې د ملکي کسانو په شمول په زرګونو وسله وال هم دي.

په عین حال کې د سمندري جهازونو د تحفظ په اړه کمپنۍ اېمبري د زیارت، پجشنبې، په ورځ وویل د یمن د ساحل سره نږدې په سور سمندر کې په یو سمندري جهاز حمله شوې خو څه جاني يا مالي نقصان یې نه دی کړی.

په سمدستي ډول چا د حملې ذمه واري نه ده منلې خو په غزه کې د جنګ شروع کېدو وروسته د ایران حمایت یافته یمن هوثي باغیانو د حماس په حمایت کې په سور سمندر کې په کشتیو حملې کړي دي.

Forum

بي بي شیرینه

بي بي شیرینه – په ټیلې ویژن
please wait

No media source currently available

0:00 2:59:59 0:00

Recommended

XS
SM
MD
LG