د اسرایل د عدليې په نظام کې دحکومت د مجوزه اصلاحاتو په ضد د زرګونو خلکو د احتجاجونو وروسته، وزیراعظم بېنجمن نېټن یاهو د ګل، دوشنبې، په ورځ دغو اصلاحاتو د ځنډولو اعلان وکړو.
نېټن یاهو وویل د اصلاحاتو په اړه د خپلو سیاسي مخالفینو سره مفاهمت ته وخت ورکول غواړي.
هم د ګل، دوشنبې، په ورځ د اسرایل صدر اساک هرزوګ په نېټن یاهو غږ وکړو چې د ملک د عدليې په نظام کې دې مجوزه اصلاحات نه کوي.
د عدليې په نظام کې د بدلون خلاف په او د دفاع وزیر د برطرفۍ خلاف په مظاهرې کړې دي.
د دفاع وزیر یواو ګلات په عدليه کې د اصلاحاتو د حکومتي منصوبې مخالفت کړی و. مظاهره چیانو د ګلات د ګوښه کولو د نېټن یاهو د فېصلې مخالفت وکړو.
هرزوګ په ټوېټر خپل پېغام کې وویل د اسرایل امنیت، اقتصاد او ټولنه د خطر سره مخامخ ده نو ځکه هغه په حکومت غږ کوي د هېواد د یوالي دپاره دې د قانون سازي عمل ودروي.
اسرایلي صدر وویل د پارلېمنټ د حکومت او د حزب اختلاف غړي دې د هر څه نه زیاته ترجیح اسرایلي ولس ته ورکړي او د مشرۍ او د ذمه وارۍ نه دې کار واخلي.
حکومت نه د اسرایلي صدر د غوښتنې نه څو ګنټې مخکې په لسګولو زرګونو خلکو د دفاع وزیر د لېرې کولو د نېټن یاهو د فېصلې خلاف احتجاج وکړو.
په عدلیه کې د مجوزه تبديلۍ ترمخه به حکومت د سپریم کورټ د ججانو په تقررۍ کې اختیار ولري او حکومت په کولی شي چې په ساده اکثریت د عدالت څه فېصله مسترد کړي.
د امریکې د نېشنل سېکیورټي کاونسل ترجمانې اېډرېین واټسن د اتوار، يکشنبې، په ورځ په یو بیان کې په اسرایل کې په صورتحال تشویش څرګند کړو او وې وېل چې حالات د مفاهمت تقاضا کوي.
مېرمن واټسن وویل په واک اختیار کې توازن او په دې قابو ساتل جمهوري ټولنې مضبوطوي او په بنیادي جمهوري نظام کې د تبدیلۍ دپاره پکار ده چې په پراخه کچه حمایت ترلاسه کړی شي.
یادونه: د دې خبر معلومات د ای پي، ای اېف پي او رويټرز خبري ادارو نه اخیستل شوي دي
