لاس رسیدونکی لینک

Breaking News

دپښتونخوا دتماکو کرونده ګرو دمناسب نرخ نه ټاکل کیدو صورت کې دتماکو دخرڅ نه دانکار دړکه کړې ده


د خيبر پښتونخوا د کرونده ګرو د رابطه کونسل عمومي سېکتر لیاقت علی وی او ای ډیوه ته وایي په ملکي کچه د ګرانۍ له وجې د کرونده ګرو خرڅونه زیات شوي او حکومت دې د یو کلوګرام تمباکو بيعه 350 روپۍ مقرر کړي

په خيبر پښتونخوا کې د تمباکو کرونده ګر غوښتنه کوي چې هغوي ته دې د تمباکو مناسب نرخ وټاکل شي ګنې هغوی به تمباکو د ټاکل شوي خرڅ نه انکار وکړي. د تمباکو بورډ وایې مرکزي حکومت سږکال د تمباکو د یو کلوګرام بيعه 245 روپۍ ټاکلې ده.

د خیبر پښتونخوا د تمباکو بورډ وایي د تمباکو قیمت مرکزي حکومت تړي او په هغې کې د کرونده ګرو او تمباکو د کمپنو غړي ناست وي، بورډ وایي د ټولو استازو په ګډه غونډه کې په دې بحث کیږي او بیا مرکزي حکومت ددې نرخونه ټاکي .

د خيبر پښتونخوا په صوابۍ ضلعه کې د صوبې د کرونده ګرو دبیلابیلو تنطیمونو "کاشتکاران اتحاد" غونډه شوې چی پکې د تمباکو د بورډ او مرکزي حکومت څخه غوښتنه شوې چی د تمباکو قیمتونه دې زیات کړي.

د خيبر پښتونخوا د کرونده ګرو د رابطه کونسل عمومي سېکتر لیاقت علی وی او ای ډیوه ته وایي په ملکي کچه د ګرانۍ له وجې د کرونده ګرو خرڅونه زیات شوي او حکومت دې د یو کلوګرام تمباکو بيعه 350 روپۍ مقرر کړي.

"په تیر یو کال کې چې په پاکستان کې کومه ګراني راغلې هغه ډیره زیاته ده او زمونږه دا غوښتنه ده چې د تمباکو نرخ دې 350 روپۍ کلو مقرر کړی شې او که داسې ونه شي نو کرونده ګر به مجبوره شي چې د تمباکو کمپنیو ته دتمباکو ورکړه تر هغې ودروي تر کومې چې نرخونه مناسب ځائ ته رسېدلي نه وي"

لیاقت علي زیاتوي د تمباکو د زمکې په تیارولو ټریکټر د یوي ګینټې یا ساعت نرخ د 1100روپو نه 2000 ته زیات شوی ،دخشاکو د یو من بيعه 1200 روپو ته رسېدلې ده، ډي ای پي څره پروسکال په 4500 روپی وه دا اوس 11000 روپو ته زیاته شوې ده.

څیړنې وایي ورجینیا تمباکو د خيبر پښتونخوا په میداني علاقو مردان ،چارسده او صوابۍ نه علاوه په بونیر ، هري پور او مانسهره ضلعه کې پیدا کیږې او دا د کرونده ګرو د نغدو پیسو فصل دی چې کرونده ګر ورباندې د کورونو ماته ګوډه پوره کوي او د نورو فصلونو خرڅونه هم ددې فصل نه پوره کیږي.

مرکزي حکومت ته د سنټرل ایکسایز ډیوټۍ په مد کې هر کال د تمباکو د صنعت نه 150 ارب روپۍ او د تمباکو د ترقیاتي مالیایي تمباکو سیس په مد کې صوبې ته 70 کروړه روپۍ ترلاسه کیږې.

د تمباکو فصل ته د پرمختیا ورکولو اداره پاکستان ټوبیکو بورډ وایي د تمباکو د نرخ د تړلو سره هغوي هیڅ تعلق نه لري.

د بورډ سېکتر حضر احمد وی او ای ډیوه ته وایي د تیر کال په مقابل کې سږکال د تمباکو نرخ د 215 روپو په ځايې 245 روپۍ مقرر کړی شوی دی.

هغه وایي د تمباکو د فصل د تیاریدو وړاندې د کرونده ګرو ، کمپنیو او د بورډ د غړو په شمول په نرخ بحث کیږي او بیا مرکزي حکومت ددې منظوري ورکوي.

"دا فیصله بورډ نه کوي، دا وزیر اعظم نرخ مقرر کړي، د بورډ ورکنګ کمیټي جوړیږي هغې کې د کرونده ګرو او کمپنیو نماینده ګان وي او هغه سفارشات بیا مرکزي وزارت ته ځي او دکابينې نه وروسته وزیراعظم ددې منظوري ورکوي"

څیړنې وایي سږکال د تمباکو د بورډ له خوا د تمباکو پیداوار 5 کروړه کلوګرام مقرر کړی شوی خو د کرونده ګرو له خوا د فصل د بایکاټ له امله پیداوار کم شوی او بیا د سیلابونو او ږلۍ له وجې هم دې فصل ته نقصان رسیدلی دی .

XS
SM
MD
LG