لاس رسیدونکی لینک

تازه خبر

متقي: افغان سفارتکاران دې خپل فعالیتونه جاري وساتي


امیرخان متقي په کابل کې خبري غوڼدې ته وېنا کوي
امیرخان متقي په کابل کې خبري غوڼدې ته وېنا کوي

د طالبانو موقتي خارجه وزیر مولوي امیر خان متقی ویلي د افغانستان کې دننه د خارجه وزارت کارکوونکو او د ملک نه بهر سفارتکارانو ته وېل شوي چې خپل فعالیتونه د دوامداره وساتي.

د رویټرز خبري ادارې ترمخه د نهې، سه شنبې، په ورځ په کابل کې خبري غوڼدې ته وېنا کې مولوي امیر خان متقي په نړیواله ټولنه غږ وکړو چې افغانستان سره مرستې دې سیاست سره نه تړي.

هغه د نړیوالو مرسته کوونکو نه وغوښتل چې په افغانستان کې د امدادي کارونو دپاره مالي امداد دې بیا شروع کړي.

په خبري کانفرنس کې، د ای اېف پي خبري ادارې ترمخه، امیر خان متقي د نړیوالې ټولنې شکریه هم ادا کړه چې د هغه په قول افغانستان سره د مرستې دپاره یې د مېلینونو ډالرو امداد ژمنه وکړه. هغه په امریکې غږ وکړو چې په اینده کې دوی سره لېن دېن کې د "پراخ زړه" نه کار واخلي.

ای اېف پي وايي د ښاغلي متقي د خبرو نه یوه ورځ وړاندې ملګرو ملتونو افغانستان سره د امداد دپاره د یو اشاریه دوه ارب ډالرو ژمنه وکړه.

د طالبانو خارجه وزیر وویل طالبان به د نړیوال امداد پېسې په عقل مندۍ او د غربت په ختمولو مصرفوي.

رویټرز وايي په کابل د طالبانو د واک ترلاسه کولو وروسته ګڼ شمېر نړیوالو مرسته کوونکو افغانستان نه امداد ځنډولی دی او د واشنګټن پوسټ ورځپاڼې ترمخه امریکې د افغانستان اربونو ډالرې منجمد کړي دي.

متقي وویل طالبانو افغانستان نه د امریکې د اخیري امریکايي شهري د وتلو پورې مرسته وکړه خو د مننې په ځای امرېکې "زمونږ اثاثې" منجمد کړې.

د طالبانو خارجه وزیر وویل نړیوالې ټولنې ته نه دي پکار چې د افغانستان سره مرسته د سیاست سره مشروط کړي.

نړیوالي ټولنې لا طالبان د افغانستان د رسمي حکومت په څېر نه دي منلي.

د ملګرو ملتونو ترڅنګ د انساني حقونو تنظیمونو په طالبانو غږ کړی چې د مېرمنو او د اقلیتونو د حقونو تحفظ دې وکړي.

د طالبانو په موقتي کابېنه کې مېرمنې نمایندګي نه لري چې نړیوالې ټولنې پې تشویش څرګند کړی دی.

یادونه: په دې رپورټ کې د رویټرز او ای اېف پي خبري ادارو معلومات شامل دي

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:58 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG