لاس رسیدونکی لینک

تازه خبر

د نېټو مشر: د افغانستان سیاسي قیادت د طالبانو مقابله ونکړی شوه 


د سټالټنبرګ په قول د افغان قیادت دې ناکامۍ مونږ دې ټرېجیډي غمېزې ته بوتلو چې نن لیدل کېږي
د سټالټنبرګ په قول د افغان قیادت دې ناکامۍ مونږ دې ټرېجیډي غمېزې ته بوتلو چې نن لیدل کېږي

د نېټو سېکرېټري جنرل جېنس سټالټنبرګ د طالبانو واک ته د رسېدلو الزام د افغانستان د سیاسي مشرانو په ناکامۍ پورې کړی دی.

سټالټنبرګ د نهې، سه شنبې، په ورځ په برسلز کې خبریالانو ته وویل په تېرو څو هفتو کې چې د افغانستان سیاسي او پوځې قیادت په دومره چټکتیا نسکور شو چې اندازه یې نه وه شوي.

هغه وویل ځینې افغان امنیتي عسکر په مېړانه و جنګېدل خو د ملک امنیت یې ځکه و نه ساتلی شو چې د هېواد سیاسي مشران د طالبانو په مقابله کې په ودرېدو کې ناکامه شول.

هغه وویل د افغانستان سیاسي مشرانو هغه پرامنه حل ترلاسه نکړی شو چې افغانانو یې خواهش کولو.

د سټالټنبرګ په قول د افغان قیادت دې ناکامۍ مونږ دې ټرېجیډي غمېزې ته بوتلو چې نن لیدل کېږي.

طالب وسله وال په ارګ کې ناست لیدل کېږي
طالب وسله وال په ارګ کې ناست لیدل کېږي

د برطانيي د دفاع وزیر بېن والس د افغان حکومت د نسکورېدو سبب د تېر کال د امریکې او د طالبانو امن معاهده وبلله چې د امریکې د پخواني صدر ډانلډ ټرمپ په حکومت کې لاس لیک شوي ده.

والس وویل امریکې دغه معاهده نېغ په نېغه د طالبانو سره وکړه افغان حکومت پکې شامل نه و او په نتیجه کې یې افغان حکومت کمزوری شوی و.

والس بي بي سي سره مرکه کې وویل برطانوي عسکر په افغانستان کې د امریکايي چوکاټ دلاندې پرځای کړی شوي وو او کله چې د طالبانو سره لوظنامه وشوه نو برطانيي هم خپل ځواکونه را وویستل.

د وي او ای د انګریزۍ څانګې د رپورټ ترمخه ځینې یورپي چارواکو افغانستان نه د ځواکونو د راویستلو په امریکايي طریقه کار هم تنقید کړی دی.

ځینې یورپي مشرانو د اوږدې مودې دپاره د طالبانو په واک کې د پاتې کېدو په اړه هم تشویش څرګند کړی دی.

د فرانس صدر اېمېنول مېکران د ګل، دوشنبې، په ورځ قام ته خپله وېنا کې وویل که څه هم افغانستان د فرانس نه لرې دی خو هلته چې کوم تاریخي حالات دوام لري د ټولې نړیوالې ټولنې، یورپ او فرانس دپاره اثرات لري
د فرانس صدر اېمېنول مېکران د ګل، دوشنبې، په ورځ قام ته خپله وېنا کې وویل که څه هم افغانستان د فرانس نه لرې دی خو هلته چې کوم تاریخي حالات دوام لري د ټولې نړیوالې ټولنې، یورپ او فرانس دپاره اثرات لري

د فرانس صدر اېمېنول مېکران د ګل، دوشنبې، په ورځ قام ته خپله وېنا کې وویل که څه هم افغانستان د فرانس نه لرې دی خو هلته چې کوم تاریخي حالات دوام لري د ټولې نړیوالې ټولنې، یورپ او فرانس دپاره اثرات لري.

مېکران وویل په افغانستان کې د بې ثباتۍ له امله يورپ ته په غیرقانوني مهاجرت کې اضافه کېدلی شي او فرانس به د هغو خلکو دپاره خپل فرض پوره کوي چې تر ټولو زیات د خطر سره مخامخ دي.

د فرانس صدر د ترهګرۍ د زیاتېدو په امکان هم خبره وکړه او ویې وېل په افغانستان کې ترهګرې ډلې موجود دي او په هېواد کې د بې ثباتۍ نه به ګټه پورته کوي. هغه غوښتنه وکړه چې د ملګري ملتونو امنیتي شورا یا سکیورټي کاونسل ته پکار ده چې د دې خطر ځواب ولټوي.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG