د امريکې نیویار ټایمز اخبار ویلي د اوکراین نه واخلې تر منځني ختیځ او چین پورې داسې ډول نور خفیه معلومات د جمعې په ورځ په سوشل ميډیا خپاره شوي دي چې امریکې قومي سلامتیا ته نقصان رسوي.
دریو امریکايي چارواکو رویټرز خبري ادارې ته د جمعې په ورځ چې روس یا روس پلوه عناصر د دې نه وړاندې د نورو خفیه امریکايي پوځي معلوماتو په افشا کولو کېدو کې ککړ دي چې په کې په اوکراین کې د حالاتو ذکر شوی دی.
امریکايي مامورینو وویل داسې په افشا شویو دستاوېزانو کې ښکاري چې د روسي پوځ د جاني نقصان کچه کمه ښودل شوې ده. په دستاوېزاتو کې د اوکراینیانو د جاني نقصان په اړه د امریکې اندازې زیاتې ښودل شوې دي. اوکرایني چارواکو د جمعې په ورځ د افشا شویو دستاوېزاتو او د روس خلاف عملیاتو دپاره د امریکې او نېټو په مرستو خبرې وکړې.
د اوکراین صدر ولادېمېر زېلېنسکي هم په غونډه کې شریک و خو د افشا شویو دستاوېزاتو په اړه یې څه و نه وېل.
نیویارک ټایمز وویل پوځي معلومات په سوشل ميډیا خپاره کړی شوي دي.
د اوکراین صدر د دفتر یو مشیر د وي او ای اوکراین څانګې ته وویل چې د روس استخباراتي ادارې د خفیه دستاوېزاتو په افشا کېدو ځکه ککړ کېدلی شي چې په دې کې په اوکراین کې د جنګ په اړه د روس د خوښې معلومات بیان کړی شوي دي. اوکرایني مشیر وویل د دستاوېزانو د افشا کېدو نه څه خطر نه ويني.
نیویارک ټایمز وویل امریکايي چارواکي کوښښونه کوي چې د سوشل ميډیا نه افشا شوي دستاوېزات لرې کړي.
وایټ هاوس په دې اړه څه نه دي ویلي او د پېنټګان یا د امریکې د دفاع وزارت ترجمان (نې) د ایمېل دلارې وویل پېنټګان د معاملې تحقیقات کوي.
یادونه: د دې خبر معلومات دی ای، رویټرز او ای اېف پي خبري ادارو نه اخیستل شوي دي
